حين تقع عيناك للمرة الأولى على صور زفاف "هاجر" و"أحمد" سيخطف نظرك الفرحة الحقيقة التي تملأ ملامحهما والسعادة والرضا الواضحين حتى أنك بالكاد يمكن أن تلاحظ أن العريس "أحمد طارق" من ذوي الهمم، حيث تغلب الحب والتفاهم والفخر على أية فوارق بينهما، وهو ما جعل صورهما تتداول بكثافة على "السوشيال ميديا" حيث رأى فيها روادها معنى الحب الحقيقي.
هاجر: أحمد العوض الحقيقي
"اللى يشوف حاجة ناقصة في زوجى هو اللي فيه حاجة غلط.. أحمد كامل جدًا في عيني" بكل فخر بدأت هاجر عبدالفتاح العروس صاحبة الـ 25 عامًا حديثها مع اليوم السابع، وقالت عن كواليس زواجهما: "القصة بدأت من 3 سنوات بعد ما تخرجت في كلية التريبة الرياضية، وبدأت أنزل للعمل بمكتب ذوي القدرات، ووقتها تعرفت على أحمد عن طريق العمل وخلال التعامل معاه وقت الشغل وصعوباته قربنا لشخصية بعض وحبيته".
سنة واحدة خطوبة بعد سنوات من العمل جنبًا إلى جنب عززت الحب داخل قلبيهما، فقالت هاجر "تقدم أحمد لخطبتي سنة 2020 وكانت فترة الخطوبة وبعدها تم الزواج ولو لف بيا الزمان عمري ماهلاقي ضفر أحمد، والحقيقة ومفيش أي صعوبات في المعاملة وشفت فيه العوض الحقيقى، لأن السعادة مش بالشكل ولا الفلوس كل حاجة المهم الحب والرضا هو أساس السعادة".
أحمد: عمرى ما حسيت إن ناقصنى حاجة
أما الزوج، أحمد طارق، الحاصل على بكالوريوس صيدلة قال: "من أول البداية وإحنا مع بعض بكل حاجة حلوة ومرينا مع بعض بحاجات كثيرة صعبة وكانت السبب القوي في أننا نعرف بعض أكتر" ويحكي عن بداية ارتباطهما قائلاً: بعد ما تأكدت من حبي ليها قولت لها: "هاجر أنا بحبك عايز اتجوزك أديني رقم والدك على طول".
وعن تفاصيل إصابته قال أحمد "منذ ولادتي وأنا مريض بضمور بعضلات الساق تحول إلى إعاقة حركية وشلل أطفال لكن كنت قادر على التعامل بشكل عادي جدَا، واستكملت دراستي بشكل طبيعي جدًا وعمري ما شعرت أني ناقص حاجة بالعكس كنت حاسس أنى شخص مميز وبشكر ربنا على العطايا الكثيرة بحياتي".
من جانبه قال المصور أحمد بانزر صاحب جلسة التصوير: "جالي تليفون من أحمد العريس قبل فرحه بيومين يطلب منى أصوره سيشن فرحه، كنت قلقان من الوقفة ووضعيات الصور هتكون إزاي، وفكرت فى وضعيات تصوير كتير ولحد قبل ما السيشن يبدأ كنت قلقان ما تظبطش، لكن بمجرد ما بدأنا لقيت كل حاجة سلسة ومظبوطة بالحرف".
قصة حب هاجر وأحمد
أحمد وهاجر قصة حب تكسر كل القواعد
أحمد وهاجر قصة حب جديدة
أحمد وهاجر
الرجل السند
حكاية حب هاجر وأحمد
قصة حب إيجابية
قصة حب بدأت منذ 3 سنوات
قصة حب من عالم تاني
قصة حب من نوع جديد
تم أضافة تعليقك سوف يظهر بعد المراجعة