بعيدا عن الرياضة وصالات المنافسات، هناك جانب آخر فى حياة اللاعبات على صعيد الألعاب الفردية أو الجماعية، هذا الجانب تتجرد فيه اللاعبات من البطولات والألقاب التى تحققت على أيديهن، ويظهر من خلاله اهتمامهن بحياتهن الشخصية وهواياتهن، ونجمة اليوم فى برة الملعب هى لبنى مصطفى لاعبة السباحة من متحدى الإرادة ، والتى لها باع طويل من البطولات والكثير من الميداليات، والتى شاركت فى عدد كبير من البطولات وتتألق أيضا من حيث الشياكة والأناقة خارج صالات المنافسات.
لبنى مع الميداليات
ما هوايتك المفضلة بعيدا عن الرياضة؟
عرض الأزياء والتمثيل و أشغال يدوية فنية واستعراضات فلكور تراثنا.
ما الأكلة التى تتميزين فى طبخها؟
بحب أطبخ طاجن لحمة بالقهوة ومحشى كعك العيد.
لبنى مصطفى
من نجمك المفضل؟
محمد هنيدى بحبة أوى وعمرو يوسف.
من مطربك المفضل؟
مطربى إلى بحبة اوى اوى ونفسى اقابلة الفنان تامر حسنى بحبة جدا.
لو لم تكونين لاعبة كنتى تتمنى تكونى إيه؟
كنت اتمنى اكون عارضة أزياء مشهورة لبراندات وممثلة.
البطلة لبنى
لما تتعاكسى فى الشارع .. ايه بيكون رد فعلك؟
لما حد يعاكس بتضايق لكن لو حد عاكس ايجابى وقالى إنتى بطلة أنا عارفك بفرح أوى واتنطط من الفرحة ده بيسعدنى انه عارفنى.
مين من نجمات السينما كنتى تتمنى تكونى مثلها؟
أتمنى اكون زى منى ذكى.
بتحبى الملابس الكاجوال ولا الفورمال؟
بحب الكاجوال اكتر ولو حدث فورمال بالبس فورمال بحب البدل والتايورات عموما.
تكريم لبنى من الهند
ولو هترتبطى تحبى ترتبطى برجل رياضى فى تخصصك ولا وظيفة تانية؟
الارتباط مش فى بالى حاليا ولو حصل يكون رياضى.
لو طلب منك تسيبى الرياضة هتعملى ايه؟
الرياضة عشقى ولا يمكن اسيبها لأنى حققت فيها إنجازات كتير تاريخ كلة رياضى مش ممكن اسيب الرياضة.
تم أضافة تعليقك سوف يظهر بعد المراجعة