كشف الفنان أحمد عزمي عن فترة المراهقة قائلا: "كنت بحب على روحى.. وكنت بتكسف جدا.. وكنت بسهر بالليل وبذاكر وكنت بحب واحدة وبكتب لها شعر.. وبعد 14 سنة بطلت وكان أول حب ليا كان فى أول برنامج اسمه البرلمان الصغير.. واسمها سمر عصام".
وأضاف خلال برنامج "راجل و2 ستات" المذاع على قناة ON، تقديم الإعلامية شريهان أبو الحسن والفنانة هيدى كرم: "وسمر كانت بالنسبالى سندريلا.. وكنت بتصل بيها فى التليفون.. وكنت بستعين بصديق حاليا مخرج.. وكان ديما ينصحنى بلاش تحب.. وبعد ما نخلص موسم البرنامج.. وانفصلنا وكنت بعيط"
وعن علاقته بابنه آدم قال: "فكرة أن اتكلم مع ابنى بدأت بعد سن 13 عام وقربت منه وبدأ يفتح معايا مواضيع.. وابنى يعيش مع والدته لأننا منفصلين منذ فترة ونصحت ابنى أهم حاجة عدم سماع كلام زملائه".
وتابع: "أتجوزت بدرى وديه مش ميزة وبالنسبالى كانت غلط.. وكان فيها تجارب ماكنتش عشتها وحتى فى سن 31 سنة كنت بسيب الباب مفتوح وكنت أنا بعمل الخطوة الأولى فى التعارف.. وكانت أكبر غلط.. وحاليا الفكر تغير عما قبل".
