قال الشيخ خالد الجندى، عضو المجلس الأعلى للشئون الإسلامية،إن المزايدين والمتطرفين حاولوا إثارة الناس بالباطل منذ أن أطلق الرئيس عبد الفتاح السيسى، حفظه الله وأكرمه وغفر له الله دعوته إلى وجوب ترشيد النسل وتنظيم الأسرة والاهتمام بوقف الزيادة السكانية ، مضيفا ، "قامت الدنيا ولم تقعد..ولما توجهنا لتأييد رئيس الدولة فى رؤيته لصالح الدولة ..الكل قال إن هذا الكلام موالاه للباطل..باطل ليه؟..إيه الدليل عندكم..راحوا جابو كل آيات الرزق زى ما عمل الراجل مع مراته بالظبط.
وأضاف "الجندى"، خلال برنامج "لعلهم يفقهون" المذاع عبر قناة "dmc"، المتطرفون جابوا الآيات من سورة الأعراف وسورة الإسراء علشان يثبتلك أن اللى بتعمله قتل للحياة وإجهاض للأجنة اعتداء على النفس البشرية تطاول على الحياة الإنسانية ..عرفتوا المشكلة فين ؟ فى المزايدة مزايدة بس..فى حين أن أهل الحق يردد الحق حتى لو كان على لسان عدوه..يعنى خد بالك علشان تبقا فاهم الموضوعية ..نسأل الله أن يثبتنا على الحق وإياكم..احنا لما بنتكلم فى قضية ..أحنا بنقول لا الحقيقة الراجل ده اتكلم كلام مظبوط".
وتابع "الجندى" الطرف الثانى المتطرف أى كلام يقوله رئيس الدولة هى بالنسبة لهم معاديه للدين ..ليه لأنهم يريدون شيطنة النظام ..معندهمش موضوعية ومش عاوز يوصلك للحق ..العيب مش عليه ..العيب على القطيع اللى بيتسحب من قرونه وراه من غير ما يفهم الكلمة ويركز أن دول ناس أهل شر وأهل باطل عاوزين يستلبوا العقول ويستلبوا الأذهان علشان كدا لازم ننبه أنفسنا ..علشان كدا لازم نسأل على هامش هذا الحوار المتصور، هل يمكن أن نستمع للمغرضين أهل الباطل.
تم أضافة تعليقك سوف يظهر بعد المراجعة