قصة الحاج عبد اللاه التربى.. عايش فى المقابر وسط القطط والكلاب منذ 50 عاما فى المنوفية.. ويؤكد: سكنت فى القبور علشان كانوا عايزين يجوزونى واحدة مش بحبها خالص.. ووجدت الحياة بين الأموات أهون.. فيديو وصور

تشهد مقابر مدينة تلا بمحافظة المنوفية، حالة غريبة من نوعها وهو تواجد محمد السقا وشهرته عبد اللاه وبجواره العديد من القطط والكلاب ويسكن بالمقابر.

ويقول محمد السقا وشهرته عبد اللاه صاحب الـ 70 عاما، إنه كان يعمل صنايعى سمكرى ولكنه مر بمشاكل أسرية منذ سنوات عندما قامت والدته بإجباره على الزواج من إحدى الفتيات ولكنه كان لا يرغب بالزواج منها حتى تم عقد كتابه ولم يدخل بها ، ومن وقتها يعيش داخل المقابر ويعمل حارسا لها بدون مقابل ، ويقوم بإطعام العديد القطط والكلاب .

ويؤكد: "إننى أعشق القطط والكلاب وبيناموا جنبى فى المقابر وهم بيحرسونى وأنا نائم وعمر ما خفت من المقابر نهائيا لأنني بعتبرها بيتى"، مرددا: الكلاب والقطط دول حياتى وأقوم يوميا بتوفير الطعام لها، وأربى الكلاب والقطط الكبار وأبنائهم وأحرص على توفير لهم الطعام حتى لو أنا ما أكلتش بس هما يأكلون عندى بالدنيا، ويوميا أذهب إلى السوق وأقوم بشراء هياكل الدواجن وعملها لهم فى أدوات الطهى التى يستخدمها هو لأكله .

ويوضح: "من الاخر لو جبت فرخة لازم أن أكل منها والكلاب والقطط ياكلو معايا علشان أن بحبهم وهما بيحبونى قوى ولازم أعملهم الاكل كل يوم لأن كل لقمه بتنادى أكلها، إيه يعنى هم أكل حتة فراخ من الفرخة وهم ياكلو الباقى" .

ويضيف: "عمرى ماخفت من النوم داخل المقابر نهائيا لأن ربنا حارسنى واللى ربنا حارس مايخفش من حد أبدا وعمرى ماخفت من الجثث ولا من  العفاريت ولا أى حاجه أبدا" .