"أغنياء ينامون على صوت وابور الجاز".. حكايات يكشفها أقدم صناعه بالقليوبية.. لايف

قدم "تليفزيون اليوم السابع" بثا مباشرا مع عم محمد مصطفى، أقدم صاحب ورشة لإصلاح بوابير الجاز والشيشة وغيرها من الأعمال بمدينة بنها بمحافظة القليوبية، حيث يتخطى عمر هذا المحل ما يزيد عن 65 عاما، حيث نشأ ليجد والده في هذا المحل ليرث منه المهنة منذ نعومة أظافره ويظل يحتفظ بها طوال عقود متتالية، إلا أنه رفض تعليمها لأبنائه من بعده لعدم جدواها، إلى جانب تأثيرها السلبي على صحة العامل بها.

عم محمد مصطفي، صاحب الـ59 عاما، وصاحب ورشة لإصلاح بوابير الجاز والشيشة بوسط مدينة بنها، يحكي مشواره مع المهنة منذ بدايته وحتى الآن، موضحا أنه ظل يعمل بهذه المهنة ما يزيد عن 50 عاما، حيث إنه منذ نعومة أظافره نشأ ليجد والده يعمل بهذه المهنة ويمتلك هذه الورشة، فتعلم على يد أبيه، وورث هذه المهنة بعد رحيله دونا عن إخوته، الذين فضلوا عدم العمل بها والالتحاق بوظائف ومهن أخرى.

وأضاف: "وابور الجاز كان أهم لوازم العروسين، وكان شيئا أساسيا في الجهاز، وكان أساسيا فى البيت، كل واحدة عندها وابور أو وابورين، والنهاردة مفيش حد بيعرف يولع وابور الجاز، والجاز غالى، غير كده الكيروسين مش موجود، واللي موجود فى السوق سولار وبيهبب، فاستخدم الوابور ما بقاش متواجد زي زمان".

وأشار عم محمد، إلى أن هناك بعض المواقف الطريفة التي مازالت تحدث حتى الآن معه بهذه المهنة، موضحا "فيه كتير مواقف بضحك عليها منها إنه فيه محامين كتير بتيجي تصلح وابور الجاز بتاعها اللي محتفظين به من سنين ولو أدمر يشتري واحد، وغالبيتهم بيقولوا إنهم مبيعرفوش يقروا القضايا إلا والوابور شغال جنبهم، وغير كده ميقرأش القضية ويأجلها لحين إصلاحه".

واستطرد: "ومن المواقف الطريفة أيضا فيه ناس أغنياء وساكنين في فلل وشقق غالية بيشتروا الوابور علشان يناموا على صوته، وكمان ينيموا أطفالهم على صوته، ولحد دلوقتي بيجبوه يتصلح لو حصل فيه حاجة، لكن دلوقتي لو قولت وابور قدام الجيل الجديد ممكن يضحك علينا وميعرفش دا إيه، لأنه بدأ فعلا في الاختفاء تماما، وهتختفى معاه المهنة اللى تركها الغالبية الكبيرة من أصحاب الورش وحولوها لنشاط تانى".