قالت الإعلامية لميس الحديدى، إنه بمناسبة اليوم العالمى للسعادة، تغيرت مفاهيم السعادة في العالم تماما بسبب فيروس كورونا، متابعه: "الترقى والنجاح والثروة مبقتش هي السعادة دلوقتى.. ولكن أصبحت الصحة والنجاة والأمان".
أضافت لميس الحديدى، في برنامج "كلمة أخيرة" المذاع عبر قناة ON: "حاجات صغيرة جدا كنا شايفينها من المسلمات في حياتنا.. إننا نخرج مش خايفين.. ونقابل الناس من غير كمامة أو تحضن أهلك وأبوك وأولادك وأصحابك.. بقينا بنخاف نحضن بعض، الموضوع بقى غريب جدا.. السعادة باتت الإحساس بالأمان والرعب اللى عايشينه من خوفنا على أهالينا.. ولم تعد الأشياء التقليدية".
تابعت لميس الحديدى قائلة: "عام بعد الكورونا لو سألنا كل واحد عن مفهوم السعادة هنلاقيه تغير.. أنا بالنسبة لي ركوب الطيارة كان بيمثل مصدر كبير للسعادة أو أني أركب العربية من غير كمامة أو أمشي في الهوا سعادة.. مفاهيم السعادة تغيرت وبقت حاجات صغيرة جدا".
