فاجأت ليلى الحديدى، والدة الإعلامية لميس الحديدى، ابنتها بمداخلة هاتفية ببرنامج "كلمة أخيرة"، على فضائية "ON"، قائلة: "أول ما نطقتى ماما مش عارفة أقولك شعور شكله إيه، خدتك في حضنى وقعدت ألف بيكى، وانتى طفلة جميلة، مكنتيش شقية بس كنتى عنيدة".
وأضافت :"أنتى ربنا حاباكى بعصر جميل نزلتى فيه، عصر ماما نجوى وأبلة فضيلة، وماما سلوى وبابا ماجد، ودول كلهم ربوا وجدانك"، مردفة: "كنتى كلبوظة وانتى صغيرة، سننتى متأخر ومشيتى متأخر، ولما مشيتى سنة و4 شهور عملنا فرح".
وتابعت:"كنتى بنت ذكية ومكنتيش شقية، ولما كبرتي بقيتى عنيدة ولازم تصممى على رأيك، وكنا نسميكى، لميس لا، ربنا أكرمك بعناية كبيرة وأب تربوى علمك كل حاجة في الحياة، وكنتى صاحبة حيلة جامدة".
واستطردت: "لا أنسى الإعلامية سلمى الشماع، لها برنامج مسابقة، وأنت حليتى المسابقة، وكسبتى الجايزة، ومقدرناش نروح رحلة الأقصر وأسوان، وكنتى تقولى مقدرش أطلع من الفصل من غير الناس ما تعرفى، وتقولى أفضل أزن وألح"، مردفة: "عندك حس وطني وأصريتي إنك تاخدي الثانوية العامة من مصر وقت كنا في الكويت، وقاطعتها لميس الحديدى، قائلة: "وقتي خلص يا مامي وهنكمل رغي بعدين".
تم أضافة تعليقك سوف يظهر بعد المراجعة