قرية النزلة فخر صناعة الفخار وتصوير الأفلام المصرية القديمة.. حكايات وأسرار مكان يعود عمره لزمن بناء الأهرامات.. ومبنى زوار مصنوع من الفخار يحصل على المركز الـ40 فى العمارة البيئية على مستوى العالم.. صور وفيديو

منذ أن تطأ قدمك فى المكان تشعر بروعة الصناعة المصرية وتفتخر بكونك مصريا، فتعتبر قرية النزلة بمحافظة الفيوم أشهر مكان لصناعة الفخار فى مصر، وواحدة من المعالم المصرية التى يأتي لها الزوار من كل مكان، كما شهد المكان تصوير أشهر الأفلام المصرية القديمة.

عاش "اليوم السابع" يوما كاملا فى قرية النزلة ليتعرف على أسرار المكان وكيف تتم صناعة الفخار المصرية، حيث قال حسنى أحمد من أقدم صناع الفخار فى القرية لـ"اليوم السابع": "إحنا هنا فى قرية النزلة توارثنا صناعة الفخار أبا عن جد، وبنعلمها لأولادنا ونعتبر احنا الجيل السابع فى صناعة الفخار فى القرية هنا، بنشتغل بأقدم طريقة من أيام الفراعنة الأسرة الرابعة".

وتابع: "بنعمل أكثر من 30 منتجا منها منتجات خاصة للأكل والشرب ومنتجات ديكور وتعتبر النزلة هى القرية المنفردة الوحيدة لصناعة الفخار بطريقة قديمة كلها من طمى النيل وتبن الفلاح، وتبدأ الصناعة إننا بنجيب الطمى من النيل ونخمره لمدة يوم كامل وبعدين نضيف له تبن الفلاح عشان يتماسك فى الطين، وبعدها نبدأ نشكل زى ما احنا عاوزين سواء أوانى أو ديكورات من الفخار ونسيبها فى الشمس".

واستكمل حديثه قائلا: "عملنا من الفخار بيت كبير للزوار فى القرية وحصل على المركز الـ 40 فى العمارة البيئية على مستوى العالم، والمهندس اللى صمم البيت ده حصل على جائزة من إيطاليا، المكان هنا مش بس صناعة فخار لكنه يعتبر متحف مصرى فيه بيت للزوار وصور لأشهر الأفلام اللى تم تصويرها فى المكان، ومنها فيلم دعاء الكروان والبوسطجى وفيديو كليب بنت أكابر للفنانة اصالة".

وأضاف: "عمر الحرفة فى قرية النزلة من عمر الأهرامات، وده أثبته علماء الآثار لما لقوا بؤرة فى أسوان ولقوا شبيه ليها فى قرية النزلة، والحمد لله السياح بتيجى من كل مكان، وبيحسوا بالراحة النفسية ومبيبقوش عاوزين يمشوا، ولينا الفخر إن المنتج بتاعنا بيتصدر لبلاد العالم".