شن السيناريست مدحت العدل هجوماً على لاعبى الزمالك ومدربهم الفرنسى كارتيرون بعد الخسارة من الأهلى فى القمة 121 بالدورى، وقال مدحت العدل فى مداخلة هاتفية لبرنامج "اللعبة الحلوة" مع خالد الغندور عبر إذاعة أون سبورت إف إم، "لاعبى الزمالك بقى عندهم عقدة نفسية أمام الأهلى، نازلين نلاعب فرقة إحنا أعلى منها فنياً وكارتيرون نازل يدافع معرفش ليه، كان فاكر نفسه مثلا هيلاعب بايرن ميونيخ".
وأضاف مدحت العدل، "فى استهتار فى الملعب الشوط الأول حاجة تكسف بجد، مدرب مش جرىء وقاعد جنبه أسامة نبيه بيعمل إيه معرفش، منزلين مروان حمدى اللى الجزيرى أحسن منه عشر مرات، حاجة تحرق الدم".
وتابع العدل، "محمود علاء مش عارف يشوط ركلة جزاء طب ما تقعد على جنب أحسنلك، فرجانى ساسى عايز 2 مليون يورو ليه عمل ايه للزمالك فى المباريات الكبيرة، أوباما جاى الزمالك يعمل إيه خايف ومرعوش أخره مليون جنيه فى السنة، وأخره يلعب فى الاتحاد السكندرى".
وأضاف مدحت العدل تصريحاته قائلا، "لاعبى الزمالك أصغر من تى شيرت القلعة البيضاء، لو كنت رئيس النادى كنت أمشيهم فوراً وأجيب أشبال، عارف الدورى لسه بدرى بس لو فضلنا كده يبقى راح فى داهية ".
وأكمل مدحت العدل، "طلعت قولت جنش الحارس التاريخى للزمالك وفى الآخر يتشاط عليه كورتين يدخلوا مرماه، كنت غلطان طبعاً بس الأهداف الكوميدية دى، مرعوبين وخايفين من إيه ماتلعبوا كورة".
تم أضافة تعليقك سوف يظهر بعد المراجعة