تزوجت وزواجى ما نجحش وفكرت فى مشروع علشان عندى التزامات، ربنا أكرمني و قررت أعمل مشروع كافيه متنقل ولاقيت أسم المشروع من فيلم “ابن حميدو”، و ماشية بمبدأ “الأيد الشقيانة كسبانة”، هكذا بدأت نور عبدالفتاح صاحبة سيارة مشروبات ساخنة حديثها.
وتقول نور لـ“اليوم السابع”، تخرجت من معهد تعاون وإرشاد زراعي و تزوجت و زواجي منجحش و ربنا كرمني بـ أبنى محمد بيبو، ولما جت جائحة كورونا خسرت كل حاجة و معرفتش أدخل ابني النادي أو اكمل دراسته في مدرسة خاصة و بعدين ماكنش في شغل، و كان عندي التزامات كتيرة و كنت بشتغل 15 ساعة “.
و أضافت قائلة :” اشتغلت في كذا مكان بريستا واشتغلت في عربيات تيك وأي، وبعدها فكرت اني أعمل مشروع، فقررت أدخل كذا جمعية خاصة هوايتي تحضير المشروبات ومصممة اني انجح وبحب المشروبات”.
و استطردت حديثها، قائلة :” بعدين فكرت اعمل مشروع و اتحمست و اخترت اسم العربية ولاقيت أسمى نور، و انا كنت بتفرج علي فيلم ابن حميدو ، ومن هنا قررت أطلق على مشروعى أسم نورماندي1، وتعبت في تجهيز العربية و استلفت فلوس كتير وإن شاء الله هسددها “ .
وتابعت :” بشجع كل البنات تعمل المشروع دا، وأكيد في صعوبات في الشارع بس كل حاجة تعدي و ماحدش يقول مافيش شغل، أنا بحب الشقاء و الإيد الشقيانة كسبانة، نفسي المشروع يكبر و أقدر اخليه يوصل لحد نورماندي10، وأقدر اشغل ناس كتير، ويبقي مشروعهم وكلنا سبب لبعض، وناس كتير بتدعمني وعندي عزيمة اني أكمل من رسائل الدعم دي “.
تم أضافة تعليقك سوف يظهر بعد المراجعة