ورفض ربيع ياسين فكرة اختيار محمد الشناوى للمشاركة في اوليمبياد طوكيو رافضاَ رحيل موسيمانى عن القلعة الحمراء،وعلق قائلا:" موسيمانى ماشى بخطى ثابتة الأداء غير مرضى لجمهور الاهلى، وبطولة افريقيا لن تكون سهلة ، البطل لازم يكون مستعد".
ويضيف ربيع ياسين : " موسيمانى لازم يكمل في الاهلى حتى لو الفريق خرج من دور الثمانية ، الاهلى لايتعامل بالقطعة".
وعن كهربا قال ربيع ياسين :"ليه دماغ تانية ولازم موسيمانى يحتويه نفسيا ويديله مباريات في الأوقات المناسبة وباذن الله يبقى مطيع لانه موهوب".
وعن المنتخب الاوليمبى قال ربيع ياسين:"يجب شوقى غريب يضم محمد صلاح وأحمد حجازى بس أنا ضد اختيار محمد الشناوى لازم محمد صبحى ياخد فرصته
ويضيف ربيع ياسين:"مروان محسن لازم يكمل في الاهلى لانه لما بياخد فرصة بيثبت نفسه ، وحسين الشحات لسه قدامه كتير في الاهلى".
وعن بيراميدز علق ربيع ياسين :" صعب ياخد بطولة بالمستوى اللى احنا بنشوفه حالياً".
وعن خليفته في الملاعب قال ربيع ياسين :" محمد عبد الوهاب الله يرحمه".
وعن العمل في المنتخبات قال ربيع ياسين:" لن أتراجع عن قرار العمل في المنتخبات ، ابذل مجهود كبير اوى ، ولن اكرر هذه المرحلة مرة أخرى في حياتى".
وعن الزمالك قال ربيع ياسين :" الزمالك مع كارتيرون لم يظهر بمستواه المعهود".
وعن رحيل رمضان صبحى عن الاهلى قال ربيع ياسين:" القلعة الحمراء هي الكيان الاصلى ومهما رحل من نجوم لن يتأثر النادى ، شوفنا رحيل رمضان صبحى لم يؤثر على الاهلى وحتى لو رحل كل النجوم سيبقى الاهلى".
تم أضافة تعليقك سوف يظهر بعد المراجعة