تمنى محمد فرج عامر رئيس نادى سموحة موافقة الأهلى على الاستغناء عن لاعبه أحمد عبد القادر المعار لفريقه بشكل نهائى، وقال فرج عامر فى مداخلة هاتفية لبرنامج "وان تو" مع حازم إمام عبر إذاعة أون سبورت إف إم :" اتمنى الأهلى يوافق على بيع أحمد عبد القادر لسموحة لاعب متميز وبيساعدنا كتير، حتى لو بيقع فى ضربات جزاء كتير بس مش مشكلة هو لاعب موهوب، ولو الأهلى مش عايزه بعد الإعارة هاشتريه".
ويضيف فرج عامر :" حسام حسن لعب امبارح وهو خايف من الإصابة ومخه مشغول بالتجربة الجديدة فى الدورى الليبى ".
وتابع رئيس سموحة :" متضايق جدا من كثرة تعادلات سموحة ، أحمد سامى ماشى كويس بس فى تعادلات بإيدينا وتعادلات خارج عننا، كمان فى إهدار فرص سهلة بشكل مبالغ فيه وبمنتهى البساطة، مقدرش أقول فى إهمال أو تقصير، وأحمد سامى مجدد معانا للموسم الجديد ومستمر مع الفريق وعلاقتى بيه ممتازة".
تم أضافة تعليقك سوف يظهر بعد المراجعة