الرئيس: الشرطة والجيش تلقوا الرصاص فى صدورهم نيابة عن شعب مصر.. فيديو

بث تليفزيون اليوم السابع، تغطية خاصة حول تصريحات الرئيس السيسي في كلمته التي ألقاها أثناء افتتاح عدد من مشروعات هيئة قناة السويس.

وخلال كلمته أكد الرئيس على أهمية قناة السويس وأشاد بالعاملين فيها وفى أعمالها، وشكر َجهدهم في العديد من المشاريع اللى بتتعمل حاليا، وأكد أنها هيئة عملاقة وكبيرة وشركة ليها رؤية في المرفق والمحافظة عليه وتطويره بما يتلائم مع التطور في حركة التجارة في العالم، وتحسين حركة الملاحة في الجزء الجنوبي من المجري الملاحي، وإنه من ضمن الإجراءات المحطوطة لتطوير المجرى الملاحي كله، وده أوانها بحكم الظروف اللى حصلت من أزمة السفينة إيفر جرين.


وأضاف الرئيس: " اللى بنشوفه النهاردة من اعمال تطوير ومشاريع، بيؤكد عطاء الشعب المصري، وقال إن الدراما فى شهر رمضان تناولت قضايا كثيرة جدا مرت علينا كلنا، ووجه الرئيس التحية والتقدير والاحترام لأسر الشهداء والمصابين، اللى هما مكانش واصل للناس تضحيات الشهداء والمصابين، ولكن دراما رمضان ساعدت فى ده، وإن  اللى تلقى النار والرصاص والعبوات الناسفة هم أبناء مصر من الجيش والشرطة، تلقوه بالنيابة عن أو بدلا من شعب مصر".

وتابع الرئيس: "إحنا مش هننسى الفترة الصعبة دي، الدراما اتكلمت في احداث كتيرة حصلت بعد ما تجاوزناها بشكل كبير، وأيام صعبة ومرت علينا بفضل تضحيات شعب مصر كل أسرة قدمت شهيد وكل قطاعات الدولة قدمت تضحيات الجيش الشرطة القضاء المساجد الكنايس كله كان في مواجهة الإرهاب، وده تمن تم تسديده لمكافحة الإرهاب من أول يوم 24 يوليو، لما قال إن فيه إرهاب محتمل، وساعتها كان كتير من المصريين بيقول هو فيه حاجة؟، إرهاب إيه احنا شفنا حاجة؟، لا الحقيقة إن الدولة كان ليها رؤية وشايفة ومستشرفة المستقبل، وشايفة إن فيه تحدي".



وتابع الرئيس قائلا: "كتير خلال الأزمة كنا بنهتز ونتألم، وده كان طبيعي لأننا كنا خايفين على بلدنا، ولكن الحمد لله الأمور بتتحسن، وإن شاء الله هييجي علينا وقت مش بعيد أوى نقول إن هذا الأمر تم تجاوزُه تماما".

الرئيس قال أيضا إن سد النهضة قلق كل المصريين، وقلقه هو أيضا، واقلقوا لان ده طبيعي، لكن لازم تكونوا متأكدين إن مسار التفاوض محتاج صبر وتأني.
 

وقال إن الحفاظ على حقوق مصر المائية أمر لا يمكن حد هيتجاوزه، ولكن ما تستعجلوش وتتصوروا إن الأمور بتمشي كده، والتفاوض عملية شاقة وصعبة، وإحنا بنضغط، وخلال الأيام اللى فاتت استقبلنا عدد من المبعوثين، زي المبعوث الأمريكي للقرن الإفريقي، ورئيس الكونغو، في جهود لدفع عملية التفاوض، علشان نوصل لحل لهذه المسألة اللى بنعتبرها من المسائل الحساسة جدا، والمهمة جدا، والقلق مقدر ومشروع، وانا كرئيس جمهورية سعيد بيه، لكن كمان لازم تكونوا متأكدين إن حقوقنا المائية لن يتم التفريط فيها.