يواصل أكرم القصاص حلقات برنامج مستر هبدو، مع خبراء الهبد في كل مكان وزمان وفى حلقة جديدة يواصل رصد عمليات الهبد حول فيروس كورونا بعد وصفات الشلولو والهجص أصبح الهبد عن اللقاحات قطاعات من الهابدين تمارس تخويف الناس من اللقاحات بالرغم من ارتفاع نسبة الإصابات وهو تخويف ليس له أساس علمي ولا طبى ..
ويقول مستر هبدو، إنه ثانى عيد فطر ييجى مع فيروس كورونا اللي غير حياتنا وفرض إجراءات ومخاوف على العالم كله و ما زال كبار الهابدين الفيروسيين مصابين بفيروس الهبد المستجد اللي هو كلام تم إنتاجه في معامل أبحاث الهبد والادعاء.
دا غير تجاهل أي إجراءات في رمضان العزومات والاحتفالات وبعد العيد مصايف وسواحل والاصابات تزيد ونرجع نشتكى من أزمة ونقص مستشفيات وموت وخراب ديار دا بفضل ناس بيتجمعوا في الشارع ويسألوا ليه الناس كلها في الشارع. والأولانيين بيتهموا التانيين انهم غلطانين و التانيين شايفين نفسهم اولانيين وبيتهم التانيين اللى هما الاولانيين انهم غلطانين.
الهابدين قبل كده سألوا فين اللقاح، ولما اتوفر قالوا بلاش لقاح قالوا اللقاح بفلوس وبعد ما عرفوا انه مجانى قالوا دا خطير، مع ان دول زي بريطانيا أمريكا لقحوا مواطنيهم والاصابات تراجعت وياريت بتوع الهبد يتوقفوا ويتلقحوا بدلا من التخويف.
