"العتبة جزاز، على ورق الفل دلعنى ، ياما حمامى سرح".. جميعها من أغانى الفلكلور الشهيرة المرتبطة بالسيدات والتى فقدناها فى الفترة الاخيرة، ولكنها كانت السبب فى إنشاء فرقة نسائية مصرية، باسم "طبلة الست"، والذى يعتمد بشكل أساسى على أغانى الفلكلور والآلات الإيقاعية وخصوصا الطبلة.
سها محمد عالى، هى مؤسسة فرقة طبلة الست، المكونة من سيدات فقط وهو كان هدفها الأساسى لتوصيل صوت المرأة وموهبتها، وأن الطبلة لا تقتصر على الرجال فقط ، وعن فكرة الفرقة وتفاصيل التدريب.
قالت سها لـ"اليوم السابع"، كنت مهتمه جدا بالفلكلور والتراث المصرى، ففقكرت انى أعمل فرقة مكونة من سيدات فقط لتحي أغانى الفلكلور من جديد، وبالفعل اتعرفت على بنات من مراكز تدريب مختلفة وبدأنا نتجمع ونبدأ التدريبات.
وأضافت" عندنا أكثر من آلة ولكنها كلها ألات إيقاعية، ومنها الطبلة والدهولة والدف والصاجات بدأن نتدرب علي العزف مع الاغانى الفلكورية وخصوصا المرتبطة بالسيدات، والحمد لله طلعنا حفلات مختلفة والناس كلها اتبسطت بينا وخصوصا اننا ستات وبنعزف، بنحاول نهتم بالأغانى الشعبية القديمة وبنحاول دايما نلبس فساتين بألوان مبهجة ومختلفة.
وتابعت: "الطبلة مش بس للست أو الراجل الطبلة للأنسان عموما اللى بيحبها وبيعرف يعزف عليها من حقه يعمل ده، وأنا الطبلة بالنسبة لى هى روحى والحاجة اللى بلاقى نفسى فيها، ونفسى الفرقة بتاعتنا تتعرف فى كل مكان ونسافر كل محافظات مصر ونسافر الصعيد وبحرى مش بس مصر .
تم أضافة تعليقك سوف يظهر بعد المراجعة