والد الشهيد أحمد شوشة: "لو عندى 10 أولاد أضحى بيهم فداءً لتراب مصر"

علق النائب حافظ شوشة، والد الشهيد أحمد شوشة، على حلقة مسلسل الاختيار 2 ملحمة الواحات، قائلا: "حاجة جميلة ومشرفة لمصر كلها وبنبين للعالم إن احنا عندنا شباب فداء تراب مصر ودمهم رخيص فداء تراب مصر.. ولو عندى 10 أولاد أضحى بيهم فداء لتراب مصر".

وأضاف خلال مداخلة هاتفية مع الإعلامية لميس الحديدى، عبر برنامجها كلمة أخيرة المذاع على قناة إكسترا نيوز: "العساكر اللى معاه حكوا لينا اللى حصل، وابنى قال لهم أنا مش هخاف منكم أنتوا شوية خونة، وشاب مكملش 23 سنة عنده ثبات انفعالى ومفيش أغلى من الوطن.. استشهاد أحمد الحلقة أنا مشوفتهاشى، ومقدرتش اتفرج عليها، ومكنتش عارف رايح فين".

وتابع: "كنت متخيل الحادثة هتصل دلوقتى وصعب جدا.. وشوفت الحلقات اللى قبل كده.. ووشوفت نور قايم بالدور كأنه ابنى.. واخته خلود شافت الحلقة.. ورسالتى للشباب أن أغلى حاجة فى الدنيا تراب مصر".

مسلسل "الاختيار 2" يعرض على قناة ON الساعة 10 مساء ويعاد الساعة 2 صباحاً والساعة 3.30 عصراً، ويعرض على قناة ON دراما الساعة 10.15 مساء ويعاد الساعة 4 صباحاً والساعة 11.30 صباحاً والساعة 4.45 مساء.

مسلسل "الاختيار 2" تأليف هانى سرحان، وإخراج بيتر ميمى، وإنتاج شركة سينرجى وبطولة كريم عبد العزيز، أحمد مكى، إياد نصار، بشرى، إنجى المقدم، أسماء أبو اليزيد، هادي الجيار، أحمد حلاوة، أحمد شاكر عبداللطيف، محمد علاء، إسلام جمال، أحمد سعيد عبدالغنى، سلوى عثمان على الطيب طارق صبرى، عمر الشناوى، وعدد من الفنانين الشباب.