بثت فتاة مطار القاهرة التى تعرضت للتحرش من أحد الموظفين، فيديو على صفحتها عبر مواقع التواصل الاجتماعي، تشكر فيه النيابة العامة على الاهتمام بالقضية، والتحقيق فى الواقعة لمدة 8 ساعات، والاستماع لأقوالها.
وقالت الفتاة خلال الفيديو: "احنا خرجنا من النيابة حاسين بانتصار مش طبيعي، ما فيش بنت بلا ظهر، ما فيش بنت لوحدها، أحنا ممكن نتعذب شوية في أول المشوار، ولكن حقك هيرجع، وبشجع كل بنت إنها تجرى ورا حقها، وفعلًا الحق بيتجاب، خاصة بعد اليوم بتاع انهاردة ده حاسبة بظهر ودعم".
وتابعت الفتاة: "احنا خدنا رقم المحضر، وهنستنى نشوف الحكم الأيام الجاية، وبتوجه بالشكر لكل حد كان موجود في النيابة، أنا قابلت ناس عمر ما شفتها، ناس ما بتهداش من قبل ما نوصل لحد دلوقتى ما قعدوش ياكلوا ولا يشربوا، ما بطلوش شغل مش عارفة أشكرهم إزاى، ما عنديش كلام خالص.
وأتمت: "أنا حطيت الفيديو لأن كنت حاسة أن ظهرى في الحيطة، ومش عارفة أتسمع خالص في المطار في الأول ما تخيلتش أن الموضوع يوصل للدرجة دي، أنا هحتاج كام يوم على ما اجمع إللى حصل، شكرًا من قلبى لكل حد حاول يساعد وكل حد عمل كومنت بس يقولى برافوا أو يشجعنى وييقولى أنه في ظهرى.
كانت نيابة النزهة أمرت بحبس موظف مطار القاهرة 4 أيام على ذمة التحقيق، ووجهت له النيابة تهمة التحرش والتصوير للسيدات بدون علمهم.
وقالت الفتاة فى التحقيقات، أنها لاحظت أن موظف مطار القاهرة قام بتصويرها من الخلف، واستغاثت بالشرطة التى ألقت القبض عليه وتفتيش هاتفه.
تم أضافة تعليقك سوف يظهر بعد المراجعة