قدم برنامج راجل و2 ستات المذاع على قناة on، تقديم الإعلامية شريهان أبو الحسن والفنانة هيدى كرم، والفنان أحمد صلاح حسنى، فقرة بعنوان "هل الأعذار بداية نهاية العلاقة بين الراجل والست؟".
وعلقت الإعلامية شريهان أبو الحسن : "الأعذار لو بقت عمال على بطال ولو مش حقيقية بتبقى مش كويسة، والرجالة بتقدم أعذار اكتر من الستات، متسائلة لية الراجل مش بيرد طول الوقت لو كان فى الشغل أو فى الاجتماع بخلاف الست ممكن تستأذن وترد على زوجها فى الشغل حتى ولو كانت فى اجتماع".
وعلق الفنان أحمد صلاح حسنى : "ممكن أحد الطرفين يعتذر والموضوع يعدى ولكن لما بيتكرر أكثر من مرة بيعمل مشكلة ما بين الطرفين، والراجل أكتر من الست فى الأعذار، بسبب شغلهم وضغوطات الحياة، وفيه فئة كبيرة جدا من الستات مش بتشتغل وربة منزل يعنى مش ليها أعذار فى بعض الأحيان".
وعلقت الفنانة هيدى كرم : "الراجل طبيعى يقدم أعذار أكثر ومش شايف ان ده عذر للعذر ومعرض لضغوط الحياة فطبيعى انه يبقى ده عذر، وفى حين الست لو كرر الاعتذار لانها مضغوطة برضوا فى الشغل والبيت الراجل هيزهق من الاعذار دى".
