هيدي كرم: مش عارفه سبب الهجوم عليا.. والناس اللى كتبت تعليقات سيئة "عقول مريضة"

قالت الفنانة هيدي كرم، إنها لا تعلم سبب الهجوم عليها بسبب الفيديو الذى ظهرت فيه مع ابنها، مشيره إلى أنها شاهدت الفيديو أكثر من مرة لمحاولة فهم سبب الهجوم، وأوضحت، قائلة: " انا ابني رجع من الجيم وبيحكي لي عن التمرين وبيعمل إيه وما بيعملش إيه وبعدين قال لي تعالي يا ماما هلعب بيكي ضغط قلت لازم أسجل اللحظة دي.

وأشارت الفنان هيدى كرم، في تصريحات لتليفزيون اليوم السابع، إلى أنها كانت سعيدة بتلك اللحظة وقامت بنشر الفيديو، وعلقت عليها بجملة "بنشيلهم وهما صغيرين ما بيشلونا وهما كبار" وبدأت التعليقات، مشيرة إلى أن 20% من التعليقات كانت سيئة جدا ولم تكن تتوقع تلك التعليقات.

وتابعت قائلة:" يظهر إن الناس بطلت تحضن أولادها وبيظهر من التعليقات اللي جات لي منهم اللى كتبت أنا مش ممكن اعمل كده مع ابني في حدود بيننا وبين ولادنا انا اول ما ابني يكبر التلامس هيبقى في حدود ما فهمتش فيظهر ان احنا ما بطلنا نعرف نحضن ولادنا".

وأضافت هيدي كرم، أنه أصبح يوجد جفاء في وبرود العلاقة من الأبناء، ولذلك رأى من شاهد الفيديو أنه غريب لأن غالبا من كتب ذلك يفتقد هذا الشكل من علاقة مع ولادها، وتابعت، قائلة: " ليس من حق أي شخص إهانتى في عرضي وفي شرفي وبشرف ابني وفي عرضه يعني انت يعني انت حتى لو انت عايز يعني في ناس شايفين إن الفيديو غير لائق فكتبوا غير لائق هم وفي ناس شايفين أنه مينفعش أعرض الفيديو دا رأيهم، لكن الناس لكن أن انت تتهمنى في شرفي أو في عرضي أنا وابني هنا بقى في حاجات لازم تنور وتقول أن العقول دي اللي كتبت الشكل ده من تعليقات أكيد عقول مريضة جدا والنماذج دي في المجتمع مضرة وخطيرة.