تتجه معظم دول العالم حاليا، إلى انتاج محركات كهربائية صديقة للبيئة، وموفرة للطاقة، حيث أن العالم الأن في ثورة للاتجاه ناحية الطاقة النظيفة، وسارعت بعض دول العالم في إنتاج دراجات وسيارات كهربائية كان لنا فيها دور رائد بإنتاج أول سيارة كهربائية في شركة النصر للسيارات وسوف تطرح للأسواق قريبا .
ورصدت عدسة اليوم السابع، فوائد وعيوب الأسكوتر الكهربائى، مع أحد موردى الدراجات الكهربائية ويدعى سعيد الجزار، قائلا، "الأسكوتر الكهربائى فيه عناصر أمان كتيرة جدا، أولا لو البطارية فرغت منك بيديك إشارة قبلها إنها قربت تفضى، وبعد ما تفضى بيديك كمان مسافة 5 كيلو تمشيهم لاقرب نقطة أمان تشحن فيها".
وتابع، "النوع ده من الدراجات الهوائية الموتور الخاص بيه ليس به صوت نهائي بالتالى ما فيش ضوضاء وكمان الموتور مش بيحتاج صيانة زى الموتوسيكل العادى، بيتشحن زيه زى الموبيل بالظبط بالفيشة توصلها للبطارية وبتقعد حوالى ساعتين شحن تقدر الشحنة بقيمة 8 جنيهات".
واستكمل، "الاسكوتر الكهربائى بيوفر حوالى 62 جنيه في البنزين لانه بيمشى 80 كيلو بشحنة واحدة تقدر بـ 8 جنيه، لو الاسكوتر البنزين العادى هيحط بنزين بحوالي 70 جنيه هنا بقى هتعرف إنه وفر فلوس كتير".
واستطرد، "الجديد كمان إن الاسكوتر في مرشدين بيرجع للخلف بزرار واحد، وده مش متوفر في الاسكوتر اللى بيمشى بالبنزين، وكمان الموتور مالوش صوت ولا بيطلع دخان، والشاشة بتاعته ذكية وبتقولك كل حاجة حتى المشاكل المقترحة وتمنه بيوصل لـ 17 الف جنيه".
تم أضافة تعليقك سوف يظهر بعد المراجعة