"نفسى أخس عشان خاطر عيالى".. بهذه الكلمات بدأ محمد سعد العطار من مركز كوم حمادة بمحافظة البحيرة، حديثه في التقرير الذى عرضه تليفزيون اليوم السابع، مضيفاً: "أنا عندى 57 سنة، و4 أبناء، وأعاني من سمنة مفرطة، منذ عامين، وكنت شغال شاويش مسرح، بتاع أفراح، بس دلوقتي اه لما جسمي زاد مش بشتغل".
وقال محمد سعد، الذى تجاوز وزنه 220 كيلو جرام: "عايز أخس عشان خاطر عيالي، وعايز أخس عشان نفسي، عايز أرجع اشتغل تاني، يا اشتغل نجار مسلح زي ما كنت شغال يا اشتغل في المسرح تانى، أنا مش عايز حاجة من الدنيا غير كده، خلاص رجلي بايظة ومش قادر امشي، وعشان أنزل السلم، بموت وأنا بنزل مش مستحمل، نفسى أعمل عملية علشان أخس وأرجع اشتغل تاني وأصرف على عيالى".
وتابع: "الحمدلله أنا عيالى مش مخلينى محتاج حاجة، بس مش عايز أبقى عالة عليهم، أنا عايز اخس عايز أرجع زي ما كنت الأول وربنا المستعان وأهم حاجة كل حاجة تبقى بفضل ربنا يعني الله سبحانه وتعالى، ونفسى أي حد يساعدنى علشان أعمل عملية تدبيس المعدة".
