قال الدكتور طارق شوقى، وزير التربية والتعليم: لو كان الطلاب امتحنوا على التابلت كان زمان النتيجة ظهرت دلوقتى مكناش هنستنى لما الورق ييجى من الجمهورية كلها بالطيارات علشان نصححه، حيث جاء ذلك فى تغطية أعدها محمد محسوب وقدمها هشام عبدالتواب.
وأضاف طارق شوقى، فى تصريحات خاصة لتليفزيون اليوم السابع: نتيجة امتحان اللغة العربية ستظهر بعد أسبوع ويمكننا طمأنة الطلاب بعد أسبوع من الآن.
وتابع وزير التعليم: التنسيق هيستجيب على الكيرف الخاص بالنتيجة وهيتم تحديده عليه والتنسيق سيستجيب للمجاميع الجديدة فى الثانوية.
وقال وزير التعليم: بقول للطلاب انسوا الثقافة اللى اتعودتوا عليها وفكرة تقفيل الامتحان كعلامة إنك حليت حلو ولا وحش وحاول بس تحل أكبر عدد من الأسئلة الإجابات الصحيحة ومتبقاش منزعج لو محلتش الامتحان كله لأنك متعرفش زميلك اللى جنبك حل كام سؤال.
وتابع: ممكن الطالب اللى حل 50 سؤالا النهاردة فى اللغة العربية بس كلهم صح أفضل من اللى حصل 60 فيهم غلط كتير.
