أكد النجم شريف منير، أن هناك دور لن يكرره مرة أخرى خلال أعماله المقبلة، وهو تجسيد شخصية امرأة، موضحاً أنه قدم هذا النوع من الشخصيات مرتين الأولى في مسرحية "حزمنى يا" بشكل كوميدي، والثانية في فيلم "هيستيريا" وكان دراما، ولذلك لن يفكر في تقديمه مرة أخرى.
وأوضح منير، خلال لقائه في برنامج "لايت شو" على قناة الحياة، أن كل الممثلين العظماء جسدوا شخصيات ستات مثل عادل امام وإسماعيل ياسين وأحمد رمزى وغيرهم، لافتاً أنه عندما قدم هذه الشخصية كانت قريبة وقتها من التي قدمها النجم العالمى داستون هوفمان وحصل على الأوسكار بهذا الدور ولذلك أحب تقديمه وتحدى نفسه بعمله مرة ثانية.
وكشف شريف منير عن أسباب غيابه عن المسرح لسنوات طويلة وقال :"المسرح كله كان نايم الفترة اللى فاتت ومكانش موجود، بسبب ثورات وعدم استقرار اقتصاد والتذاكر غليت على الناس ولكن كل حاجة بترجع أحسن من الأول دلوقتى، المسرح رجع وهيرجع، وفى تعاون مع السعودية حالياً، وأنا نفسى المسرح بتاع موسم الصيف والشتاء يرجع تانى، وبالنسبة لمسرح الساحل الذى يقدمه أشرف عبد الباقى فأنا أرفع له القبعة لأنه من الناس المحترمين اللى عنده إرادة وتصميم وهو رجل نقى".
وتحدث شريف منير عن عائلته وكشف عن أبنائه وهم الكبيرة أسما، وفؤاد، وفريدة، وكاميليا، مشيراً إلى أنه يحرض على قضاء وقت كبير معهم وقال: "لازم أقضى وقت معاهم بس لازم هما يلاقوا وقت يقضوه معايا لأن التليفونات دلوقتى بقت شاغلة الكل بس انا اما بكون معاهم بقولهم محدش يسمك التليفون وهو قاعد معايا خالص محدش يكلمنى وهو ماسك التليفونات".
وعن علاقتة بحفيدته لارا ابنة اسما أوضح :"أنا شايف أنها هتبقى ان شاء مخرجة مهمة، وأنا لمست دا من الكليبات اللى بتعملها مع نفسها والمؤثرات اللى بتعملها، هيا بيتعمل أكثر من شخصية وبتمنتج ما بينهم بشكل جيد جداً وبتحب الرسم وهى موهوبة جدا، بس أنا مافكرتش اخدها معايا في اى عمل، لأن عندى مشكلة مع لارا وأسما انهم بيتكلموا انجليزى طول الوقت وبزعل اكتر من الغلطات الاملائية اللى بشوفها على الانستجرام ومينفعش يكون هذا الكم الكبير من الأخطاء
شريف منير
