على بعد دقائق من كورنيش النيل بالساحل شبرا، لا بد أن يلفت نظرك "فرشه" تجلس عليها سيدة تتخطى الـ60 من عمرها على كاشير محل سوبيا، الذى يحتوى على كافة المشروبات الرمضانية مثل العرقسوس والسوبيا والخروب.
يمكن تلخيص رؤية أم أحمد أشهر بائعة مشروبات رمضانية "بالساحل شبرا"، المسألة مش مكونات.. ده نفس وسر صنعة وقبل كده رزق من عند ربنا أولا وأخيرا ثم بعده يجى النفس وخبرة الصنعة.
أم أحمد امرأة لا تحظى بالتعليم ولكنها اكتسبت مهارة التعلم من حياتها، فهي كانت زوجة وأم لـ 8 أطفال كافحت من أجل علاج زوجها وإطعام أولادها وتربيتهم.
تقول أم احمد: "كنت بلف الشارع بعربية عرقسوس من 35 سنة وكنت بشتغل 24 ساعة ولما كنت اتعب استنى رجوع ابني من المدرسة علشان يلف مكاني وعلى الرغم من إنى مكنش معايا فلوس بس اللي كان معاه بيأخد واللي مش معاه فلوس برضو بياخد الرزق من عند ربنا".
وأضافت: هناك من أقدم منى فى المهنة، ولكن الحمد لله ليا زبونى اللي بيجى من مناطق بعيدة، علشان يشرب شوية سوبيا، عرقسوس طازة وتمر هندى، أسعارى فى متناول الجميع رغم ارتفاع أسعار المواد الخام.
وتابعت أنها تحاول بكل جهد أن تحافظ على ثبات الأسعار وذلك نظرا لانخفاض دخول المواطنين خاصة فى المناطق الشعبية، وتستمر أم أحمد مثل غيرها من المصريات اللاتي يكفحن ويعملن من أجل أبنائهم .
تم أضافة تعليقك سوف يظهر بعد المراجعة