سمح الرئيس عبد الفتاح السيسى للحضور خلال إفطاره مع الأسرة المصرية على هامش افتتاحه عددا من مشروعات الإسكان بطرح الأسئلة، قائلا يسعدنى أن أسمع كل واحد فيكم واسمع أسئلتكم، وأسمح كمان بالنقد، بس النقد اللى يبنى الدولة .
أحد سكان عزبة أهالينا 2: معنديش محل أكل منه عيش
وقال أحد سكان مدينة أهالينا 2 الهجانة للرئيس عبد الفتاح السيسى: "أنا كنت عايش فى عزبة الهجانة، وعندى محل صغير وبصلح خلاطات ومراوح، عشان أعيش منه أنا وبناتى الخمسة، ونقلت لمدينة أهالينا 2، والحمد لله الشقة جميلة جدا، وأفضل بكتير من الهجانة، لكن معنديش محل آكل منه عيش".
أحد الحضور: أنت أهلاوى ولا زملكاوى؟
قال محمد سامى أحد الحضور: أشكر حضرتك إنك بتسمعنا.. أنا بحب الرياضة، وحضرتك كنت مثل لينا، وحضرتك كمان بتحب الرياضة، وأحب أسأل حضرتك سؤال: أنت أهلاوى ولا زملكاوى، التعصب الرياضى يؤدى إلى توابع سيئة جدا، وأتمنى أن تتدخل فى هذا الموضوع.
وأشاد محمد عمر، بالسكن البديل الذى وفرته له الدولة بعد نقله من عزبة الهجانة، وتابع:" أنا عارف أنك هتزعل منى يا ريس.. أنا عندى خمس بنات وولد وكنت بخاف عليهم وأنا فى العزبة ولكن الآن زال هذا الخوف بعدما انتقلنا إلى مكان لائق"، احنا كنا عايشين فى مكان ما يعلم بيه إلا ربنا.
أحد المواطنين: بلكونة شقتى بعزبة الهجانة كلها
وقال أحد المواطنين من سكان أهالينا2: "أنا كنت فى الهجانة وحضرتك نقلتنا فى مشروع أهالينا 2، وما شاء الله البلكونة بتاعة الشقة بتاعتى معلش فى اللفظ، بمكان عزبة الهجانة كله"، ورد الرئيس عبد الفتاح السيسى، على المواطن، قائلا: "عيب كده، انت هتعملنا مشكلة كبيرة جدا كده"، ليرد المواطن قائلا: "والله العظيم بجد يا ريس".
أحد سكان أهالينا 2: انت عملت كثير وما عنديش أسئلة
وأشاد عبد الناصر، من سكان "أهالينا2"، باهتمام الرئيس عبد الفتاح السيسى، بالمواطنين البسطاء، وتابع:"أنت أب لكل المصريين قبل ما تكون رئيس ..أنا دائماً بحبك وحاطط صورتك عندى ..أنت عملت كتير..ومعنديش أسئلة"، فرد الرئيس قائلاً:" يا رب نعمل أكتر"،كما أشاد فرح محمد تونى محمود من مركز ببا ببنى سويف، بالرئيس السيسى.
منى ممدوح: ممكن ناخد صورة سيلفى مع سيادتك
طلبت إحدى الفتيات تدعى منى ممدوح محمد على، عضو كيان شباب اتحاد مصر باتحاد الجمهورية الجديدة، من الرئيس عبد الفتاح السيسى التقاط صورة تذكارية معها وبصحبة مجموعة من الاتحاد بعد نهاية اللقاط، ليوافق الرئيس على الفور بقوله: "حاضر".
إحدى السيدات: محتاجين تذلل العقبات قدام الأرامل خاصة فى المعاش
ووجهت إحدى السيدات تدعى المهندسة إيمان، الشكر للرئيس عبد الفتاح السيسى، قائلة: "إحنا هنستحمل ونقف مع البلد علشان مصر تبقى قد الدنيا، وأنا عايزة أطلب طلب واحد، بالنسبة للست المصرية الأرملة محتاجين حضرتك تذلل حضرتك العقبات اللى بتقف قدام الأرملة خاصة فى المعاش".
