سلط برنامج "صندوق محسوب"، الذي يقدمه محمد محسوب، فى حلقة جديدة عبر "تليفزيون اليوم السابع"، الضوء على قصة بائع أنابيب متجول شاب ورث المهنة من أبيه وورثه كذلك ثيابه وأدواته في بيع الأنابيب.
وقال محمود صابر سليمان، خلال الحلقة إن زوجته الأولى تركتيه بسبب عمله، مضيفاً: أبويا مكنش عايزنى أشتغل فى الأنابيب بس من سنة 97 وأنا فى الأنابيب مع والدى وشغال معاه، وخدت منه الأنابيب والبدلة والعجلة وساعدته لحد ما كبر.
وأضاف: بكسب من الأنابيب تقريباً 70 أو 80 وممكن أخلص بدرى أو متأخر حسب السوق فى اليوم، وشغلى كله أدوار عالية معظمه السادس والسابع وبطلع الأنبوبة على كتفى واتعودت على الشغلانة".
وتابع: بطلع الدور الـ12 على كتفى وفيه سلالم بتضايقنى فى الطلوع لأنها لم واقفة مش كويسة، مضيفا "فكرت أجيب تروسيكل بس الفلوس مقصرة".
فى سياق متصل، قال: وقعت من الدور الرابع بالأنبوبة كانت سلمة مكسورة وقعت بالأنبوبة، بس الحمد لله ربنا لطف.
