أجرى الدكتور هاني الناظر، استشاري الأمراض الجلدية، ورئيس المركز القومى للبحوث الأسبق ، كشفا على أسرة مرض السمكية، والتي قام اليوم السابع بنشر قصتهن خلال حلقة برنامج صندوق محسوب يوم الثلاثاء الماضي ، المقدم على تليفزيون اليوم السابع.
وقام الدكتور هاني الناظر بكتابة العلاج المناسب لهن، ووعد بتوفيره لهن من خلال إحدى الجمعيات الخيرية.
وقال الدكتور هانى الناظر، إن مرض السمكية ناتج عن جينات وراثية، موضحا أنه مرض وراثي وليس معدي كما يظن البعض.
وأضاف، الدكتور هاني الناظر، أنه تم اكتشاف علاج يقضي على قرش السمكية بشكل كبير.
وكانت قد تناولت حلقة يوم الثلاثاء الماضي، من برنامج "صندوق محسوب" على "تليفزيون اليوم السابع" والذي يقدمه محمد محسوب ، مأساة أسرة السمكية، والتي يعاني ثلاثة من أفرادها من الإصابة بمرض قشر السمكية.
وقالت الأم خلال الحلقة إن بناتها ولدن بالمرض، ويعانين منه لدرجة أن أجسامهن تنزف دما في الصيف، ولا يطيقن ملابسهن.
وتحدثت الأم عن مأساة بناتها مع الأهل والجيران، حيث قالت أهلى قاطعوني من ٧ سنين وأكتر أول ما خلفت بنتي المصابة بالسمكية قالولي متجيش عندنا تاني بيهم، عايزة تيجي تيجي لوحدك لتعدينا "٠
وأضافت : والله العظيم اتذلينا محضرتش فرح حد، كان فيه فرح بنت أخويا وبنت أختي وقالولي متجيبيش ولادك معاكي علشان الناس قولت مش رايحة أنا اللي يكره ولادي كأنه يكرهني أنا، أنا شقيانه وتعبانة عشانهم، أنا عندي عيالي بالدنيا كلها"
وتابعت باكية : أنا محدش راضي بينا علشان ولادي أخر مرة شوفت حد من أهلى من 7سنين.
وقالت" نهي الكبيرة في تالتة إعدادي مكنوش عايزين يقبلوها، لكن أنا جبت ليها تقرير علشان أقول إن سليمة وقبلوها والحمد لله الأولى على المدرسة السنادي ".
وتحدثت الأم عن أن الجيران والأهالي يرفضون لعب بناتها مع أبنائهم قائلة " كل أما يلعبوا مع حد أهله يقولولي خلوا ولادك ميخرجوش في الشارع علشان ولادنا "٠
وذكرت: ولادي لما بيخرجوا الناس بيقولوا ليهم إيه اللي فيكوا دا إنتوا مولودين كدا؟"، متابعة " دا بيزعلهم علشان كدا مش بخرجهم "٠
وذكرت : الناس القريبة بتخاف تعزمنا في افراحنا الغريبة هتقبلنا، عيالنا يقعدوا معانا".
برنامج صندوق محسوب يقدمه الزميل محمد محسوب علي تليفزيون اليوم السابع ويتناول العديد من القصص من الشارع المصري ، ويسلط الضوء علي الحالات والأشخاص المفردة في مجالات بيعنها ويضعهم في بؤرة الاهتمام .
