"نفسي أعيش زي كل البنات، ويكون لي مكان، ولو أوضة وصالة، علشان أنا يتيمة الأب والأم، وعايشة مع والدي بالتبني، وعمره تخطى الـ 80 عاما، والشقة اللي عايشة معاه فيها إيجار، وصاحب البيت أخبره أنه في حالة وفاته سيطردني في الشارع"، بهذه الكلمات بدأت فايزة أقصر بنت في مصر، والتي لا يتجاوز طولها الـ 70 سنتيمتر، تروي لنا تفاصيل حكايتها .
وقالت فايزة محمد عبد العاطى، لـ" اليوم السابع"، عمري 28 سنة، وعايشة مع والدي بالتبني، الذي تبناني من وأنا عمري يومين، بعد وفاة أبويا وأمي، وطوال تلك السنوات كنت عايشه معاه، ومعنديش أي حاجة تخوفني، وبيعاملني أحسن معاملة، ومبيحرمنيش من أي حاجة، لكن بعد كبر سنه ومرضه، فوجئنا بصاحب البيت يخبره انه سوف يأخذ الشقة ويطردنى في الشارع في حالة وفاة والدي بالتبني.
وأضافت فايزة منذ ذلك اليوم، وأنا عايشه في رعب من ذلك المصير المجهول الذي ينتظرني في حالة وفاة والدى بالتبنى إبراهيم، فأنا مصابة بعجز في مفاصل رجلي، واحتاج كرسي متحرك، يساعدني في الحركة وشقة صغيرة.
تم أضافة تعليقك سوف يظهر بعد المراجعة