علق الإعلامى عمرو أديب على منتدى شباب العالم قائلا: "مش هدخل في كلام كل سنة واتصرف عليه كام والكلام ده.. أنا هتكلم عن تحديين مهمين أولهما التحدى الأمنى.. احنا في مدينة مصرية استطاعت تأمين كل القيادات الدولية اللى زارت المدينة بالإضافة إلى عدد الشباب الكبير اللى حضر المنتدى.. وما فيش حادث مرورى واحد حصل".
وتابع عمرو أديب خلال برنامج "المواجهة": "أما التحدى الثانى فهو تحدى انتشار أوميكرون.. وإزاى مصر تقدر تأمن كل الحضور صحيا.. والحمد لله الأمور عدت بنجاح.. مصر نجحت في التحديين، وكمان بتبقى فرصة جيدة علشان نوجه كلامنا لـ60 % من سكان مصر اللى هما الشباب".
وأكمل "أديب": "الرئيس عبد الفتاح السيسي خصص جلسة لممثلى الصحافة الأجنبية، وأصبحت من عادات المؤتمر، لكن لدى وجهة نظر غريبة شوية.. الرئيس السيسي كل ما يقعد مع الصحافة الأجنبية مش بيتكلموا غير في موضوع واحد.. يا سيادة الرئيس هو السؤال ده مش هيتغير وما فيش غيره هما مش عاوزين يكلمونا في حاجة الناس دى جاية في دماغها الموضوع ده وهو جاى يسأل.. انت فاكر هيسألك أخبار حياة كريمة ايه؟.. حد هيكلمك على الـ22 المدينة الجديدة.. حد هيتكلم عن اللى اتعالجوا من فيروس سى.. الناس دى في أى مكان هيجولك هيقولك مساء الخير، أخبار حقوق الإنسان والمساجين والكلام ده وحرية التعبير، وحضرتك هترد عليهم نفس الرد".
وأضاف: "هما مش بيبصوا للموضوع ده خالص ياريس.. كل مذيع من دول جاى ورئيس التحرير بتاعه مديلوا سؤال واحد، أنت رايح فين يا حبيبى رايح مصر اسأله في حقوق الإنسان.. لكن الدولة المصرية لها وضعها المختلف".
تم أضافة تعليقك سوف يظهر بعد المراجعة