الشقى ليست كلمة عابرة والشرف ليس فقط شرف العرض ولكن للشرف انواع كثر شرف الامانة وشرف العمل، حنان سيدة اربعينية أبت ان تمد يدها بعد أن عانت فى الحياة ومشاقها بعد أن طلقت صدمات لا حصر لها أصابت قلبها وامومتها.
وفى حلقة جديدة من برنامج فتحى شو تقديم محمد فتحى عبد الغفار، التقينا بسيدة العفة حنان او ما يطلق عليها ام فارس، سيدة تزوجت مثلها مثل باقى الفتيات برجل غدر بها واستنزف ثرواتها حتى باتت بلا مأوى مع أبنائها واحتفظ بالصغير لكى يتسول به وترك البقية فلا تفع فيهم من وجهة نظر الاب .
وتقول "حنان"، "أطلقت بعد ما دوقت انواع وألوان المرار من زوجى الاول بعد أن أنجبت منه ثلاثة أبناء مات احدهم مصابا بالسرطان الكبدى قهرني موته وخدت ابنى التانى ومشيت بعد ما أطلقت وطليقى خد ابنى الرضيع من حضنى ".
وتابعت،"ابنى الرضيع قعد مع طليقى ٧ سنين معرف ابنى انى موت ومش موجودة فى الحياة ومكنتش اعرف مكانه وكان بيتسول بيه مع انى معايا الحضانة ولفيت سنين علبه لحد ما شوفته وقابلته واكتشفت انه مفهم ابنى انى موت واول لقاء ليا مع ابنى قالى انتى أمى قلبي بيقولى كده مقدرتش امسك دموعى ساعتها قلب الأم والمه لا يوصف".
واستكملت، "خدت الولد بعد محاولات ودموع كتيرة ودلوقتي هو معايا بقاله كام يوم وابوه بيهددنى انه هياخده منى، انا شغالة وابنى الصغير على ضهرى لانى مش عارفه اسيبه غين انا شغالة فى الجهاز بلم الزباله الشغل مش عيب العيل انى اشحت او اتسول انا متعلمة ومش محتاجة حاجة من حد وربنا كارمنى لله الحمد".
واردفت،"كل اللى طلباه ابنى يكون فى حضنى وسميت اللى على ضهرى ده فارس على اسم ابنى اللى اتوفى وبربطه كده على ضهرى مش سيباه لانه عنده فرط فى الحركة والعربيات هنا كتير رايحة جاية وخايفة اسيبه يروح منى".
تم أضافة تعليقك سوف يظهر بعد المراجعة