حكايات وكواليس لأول مرة يكشفها النجم اللبناني راغب علامة مع النجمة أنغام من خلال برنامجها الجديد "أنغام" ووصفت غناء علامة بهذه الكلمات: "أنت عندك الغنا السهل الممتنع فيه حاجات حلوة كتير بتطلع بمنتهى السلاسة ودخلت قلبى من أول غنوة".
ليرد راغب: "إزاى ما كناش أصدقاء كل العمر ده" مضيفا: "أنا فى الغنا بسيط جدا بس محدش يقدر يقلدنى وعندى خصوصية فى صوتى".
وعن بدايته الفنية قال راغب: "أبويا كان يعشق أم كلثوم وعبد الوهاب وبيلعب عود وكنت براقبه وفى سن 18 درست فى الكونسرفتوار واتعلمت غنا شرقى وأهلى مكانوش عايزنى أغنى خاصة والدتى وكانوا على قد الحال ومش قادرين يعلمونى قلت لأمى أوعدك تشوفى حالك فيا".
وعن فترة التحاقه ببرنامج "ستوديو الفن" قال: "لما امتحنت دورت على حاجة مميزة وكان ليا صديق بيسمع الريس متقال واخترت أغنية (بص ع الحلاوة) ولقيت لجنة التحكيم بترقص".
راغب علامة كشف عن بداية قيامه بالتلحين لأول مرة من خلال أغنيته الشهيرة "ياريت فيي خبيها" ورغم رفضه في البداية التلحين إلا أنه وافق ونجحت وقتها بشكل كبير.
