قالت جيانا فاروق بطلة الكاراتيه، :"موضوع لعب الكاراتيه جه معايا بالصدفة، لعبت 6 سنين سباحة في الأهلي، وبعدين شوفت بيلعبوا كاراتيه وعجبتني، ولعبت 6 سنين، وبعدين شاركت في المسابقات".
وأضافت خلال لقائها ببرنامج "سهرانين"، عبر قناة "ON"، مع أمير كرارة : "مكنش في بالي احتراف، كانت الفكرة في البداية حاجة مفيدة أقضي فيها وقتي"، مردفة: "أخويا كان بطل عالم بس دخل الطيران وبطل رياضة".
وتابعت جيانا فاروق: "مرة وقفوني في المطار وأنا راجعة من المونديال لأن الميدالية تقيلة، قلت ممكن أسيب أي حاجة ما عدا الميدالية".
تم أضافة تعليقك سوف يظهر بعد المراجعة