قال السيناريست أيمن بهجت قمر، إنه من حسن حظى ولدت فى بيئة فنية كبيرة، مع عمار الشريعى، وسيد حجاب، وحضرت مسرحيات كبيرة، مثل ريا وسكينة، مع عدد كبير من الشعراء، وتربيت على ترابيزة والدى، وعليها كتب بيرم التونسى، وصلاح جاهين، وسيد حجاب هو اللى ربانى فى الشعر، وجعلنا أنوع فى الكتابة صعيدى وفلاحى".
وأضاف خلال حواره مع الإعلامى عمرو خليل عبر برنامجه من مصر المذاع على قناة سى بى سى، : " والدى كان منفصل عن والدتى، وكنت عايش مع كبار الشعراء، والكتاب، وكانوا يدخلوا ويخرجوا عليا فى البيت، وبكتب اللى بحس به، وبوجهة نظرى اللى أنا شايفها فى الأغانى، ولي شكل مختلف عن كل الشعراء".
وتابع: "لازم الكاتب يشوف المناطق اللى بيجح فيها، وأول تتر فى حياتى كتبته مسلسل "الوتد"، وفعلا كتبت التتر بطريقتى وليس بشكل تقليدي، وعملت تتر"إمام الدعاة" و"عباس الأبيض" و"يتربي فى عزو"، وكتبت مسلسل مش عشان فلوس لا حبا فى عادل إمام، عملت مسلسل "فلانتينو"، وفيلم "البدلة" وده عامل أعلى سكور فى النجاح، وعملت "تحت تهديد السلاح"، وفيلم تاريخى عن أهل الكهف، وعندى طموح فى عمل جاحات جديدة".
