قالت الفنانة هنادى مهني، إنه كان نفسى فى المرحلة الأولى أغنى انجلزى بسبب اللغة اللى كانت الأساسية فى المدرسة، وقدمت ذا فويس بفرنسا ونجحت ووصلت لـ 500، ولكن الدنيا اخدتنى اكتر ورجعت مصر وكنت فى الأكاديمية مع والدى، وبحب التدريس للأطفال، مضيفة :"عندى ذكريات كتيرة مع اللى درست فى الأكاديمية لهم وحاليا فى كلية طب وبفرح قوى بيهم".
وأضافت خلال حوارها مع الإعلامى عمرو خليل عبر برنامجه من مصر المذاع على قناة سى بى سى، : "أول عمل شاركت فيه فى مسلسل أفراح إبليس، وكلمنى المخرج وتواصل معايا.. ومحدش يعرف انا بنت مين ومكنتش عاوز استخدمها فى أى حاجة.. وجربت وكان الكلام بالصعيدى، ومش نزل وبقالى سنة كنت بمثل ومفيش حاجة تنزل".
وتابعت : "ولما منزل المسلسل فى رمضان 2018 سافرت برا وزعلت، ورمضان 2019 كان أكثر سنة جالى فيها عروض كتيرة فيه.. وشاركت فى 3 مسلسلات فى نفس الوقت وكان وشاركت فى مسلسل حكايتى وزلزال وبركة، وكنت باخد البطانية معايا العربية عشان كنت بنام فيها لأن كنت بتنقل من تصوير مسلسل لمسلسل، وكانت سنة حلوة قوى".
وعن دورها فى مسلسلها مكتوب عليا مع الفنان أكرم حسنى قالت هنادي مهنا : " أكرم كفنان بحبه جدا وبحب اغانية جدا وعلى المستوى الانسانى مجتهد جدا ومبسوطة ان انا اتعرفت عليه.. وشخصية الكوميديا فى المسلسل كانت صعبة عليا لكن الحمد لله ربنا كرمنى بالدور".
تم أضافة تعليقك سوف يظهر بعد المراجعة