عقب الرئيس عبد الفتاح السيسى على الكلمات فى المائدة المستديرة حول مستقبل الطاقة ضمن فعاليات مؤتمر المناخ قائلا: "اشكركم جميعا على الطرح فى المناقشات.. سواء كان من رؤساء الدول أو رؤساء الحكومات أو الشركات.. أو كل اللى أتكلم ادنا فرصة للحديث عن هذا المجال"، متابعا: "اتفق مع المستشار الألماني.. حان وقت التنفيذ الحقيقى والاستعداد مش للمخاطرة ولكن التحرك الفعال والحاسم لتنفيذ كل الكلام والنقاش اللى احنا اتكلمنا فيه وبنتكلم فيه قبل كده".
وأضاف الرئيس السيسى، فى نهاية المائدة المستديرة ضمن فعاليات مؤتمر المناخ "كوب 27": "أنا التقيت بكثير من رؤساء الشركات اللى موجودين هنا على الطاولة.. كلامى دايما أننا مستعدين للتحرك بقوة.. اللى عاوزه أقوله مش بس على مصر ولكن الكلام المهم اللى اتقال الدول الأفريقية"، متابعا: "مستعدين للتحرك وبسرعة لتلبية التخطيط والفكر المستقبلى لإنتاج الهيدروجين والطاقة المتجددة.. لأن ده هيخدم الدول النامية للتقدم.. وموضوع المناخ حريصين على التحرك فيه وبسرعة".
أعرب الرئيس عبد الفتاح السيسى، عن أمله فى انضمام دول العالم إلى منتدى الهديروجين الأخضر، قائلا: "أتمنى أن تنضم كل الدول فى هذا المجال ونتحرك وبسرعة دون خوف على الأموال، لأن هناك طبعا دراسات بتقول أن التكنولوجيا لسه فى بدايتها، ممكن نخطأ ونصلح أخطاءنا تباعًا ونتحرك وبفاعلية."
أضاف الرئيس خلال فعاليات المائدة المستديرة "الاستثمار فى مستقبل الطاقة.. الهيدروجين الأخضر" على هامش مؤتمر قمة المناخ، كتير من اللى طرحوا أفكار لاستقبال الشركات والتكنولوجيا ومن ضمنها مصر جاهزين للتحرك للآف الميجاوات وات للطاقة المتجددة والهيدروجين الأخضر فى مصر.
فى نهاية كلمته قال الرئيس السيسي: "بشكركم الحقيقة على حضوركم وكل ما أفضتم به فلننفذ ما نتكلم عنه".
