عمرو عبد العزيز لـ"واحد من الناس": النجم عادل إمام بابا المجال

قال الفنان عمرو عبد العزيز: "يوم 29 ديسمبر 2006، الفجر، كنت في شارع الهرم، وفيه عربية خرجت من شارع جانبي وفجأة لقيت حد بيشاورلي قلت دا تايه وهيسأل عن حاجة، ببص لقيته الفنان عادل إمام"، مضيفا إن الزعيم عادل إمام هو بابا المجال.

وأضاف خلال لقائه في برنامج "واحد من الناس"، مع الإعلامي عمرو الليثي، والمذاع عبر قناة "الحياة: "سألني واقف هنا ليه قلتله كان عندي مسرحية، قالي طيب هاطلبك في دور بس بلاش تتكبر عليا، وروحت البيت لقيت أمي بتصلي استنيت لما خلصت وبقولها أنا أستاذ عادل إمام وقف النهاردة وكلمني، قالتلي طب يا حبيبي ربينا يهديك قول يا رب وروح نام ونفس الكلام قالته الصبح تاني لما عدت الكلام عليها".

وتابع: "كنت مع عزت أبو عوف وهو صديقي في أوضته وفجأة دخل عادل إمام، فأنا من الخضة موقفتش وفضلت قاعد وموقفتش، قال لي: "إيه مش هتسلم علي خلاص مش أد المقام"، فقلت له أنا مش مصدق نفسي، قال لي أنت شُفت المسرحية؟ قلت له لا، قال لي طيب شوفها وأشوفك، وأصعب 3 ساعات عدوا عليا، وأنا مش مركز".

واستطرد: "وبعدها قابلني قالي "عايزك تجيلي مكتبي الساعة 8" وروحت الساعة 7 ونص وقال لي عايزك معايا في مرجان وعملت بروفتين معه ومشهد الجري في البيت قال لي عايزه طبيعي، وبعدها لقيته بيكلمني وقال لي تعالى أنا في المستشفى قلت له خير في إيه! قال لي بصور يا منيل، وقال لي "أنت هاتيجي وتجيب ورد وتمشي في قلب الطرقة وهاتبص على الأوضة وتبصلي وتمشي"، قلت له مش هاتكلم قال لي لا، وفعلا المشهد عمل شغل حلو جدًا".

على جانب آخر كشف عمرو عبد العزيز عن مشاركته مع فرقة أيامنا الحلوة قائلا: "أيامنا الحلوة كنت أحضر حفلاتهم دائمًا، ومرة بقول لمحمد عثمان، كان فاضلي أغنية وأطلع أغني معاكم على المسرح، قال لي طيب ما تطلع، قلت له عايزني أضيع تاريخ الفرقة؟ قال لي جرب مرة"، مضيفا أنه يشارك فى مسلسل رمضان كريم الجزء الثانى الذى سيُعرض فى رمضان المقبل.