رحب الرئيس عبد الفتاح السيسى، بالمشاركين فى مؤتمر معرض مصر الدولى للبترول، متابعا: "اسمحوا لى أرحب بالحضور الموجود هنا.. السادة الوزراء والشركات والشركاء الموجودين معانا.. واشكرهم على التواجد.. ونقدر من خلال تواجدهم نقدر نعمل دفعة قوية فى الموضوعات التى يتم تناولها.
وأضاف الرئيس السيسى، خلال كلمته فى افتتاح مؤتمر ومعرض مصر الدولى للبترول: "الموضوع الخاص بالطاقة مهم اوى وجزء من القضية التى تمر بها القارة.. أفريقيا لأسباب تاريخية دائما متأخرة واحنا جزء منها.. الثمن ده مش ممكن كدول أفريقية ندفعه.. مش معقول تدفع الاثار الناجمة على الفترة اللى تواجد استعمارى واستغلال مواردها فى القارة لسنوات طويلة جدا.. القارة بقت بمنتهى التواضع.. أقل قارات العالم تقدما.. وأكثر قارات العالم يمكن فى محدودية الدخل.. حجم الفقر والتخلف والجهل ضخم جدا".
أكد الرئيس عبد الفتاح السيسى، أن القارة الأفريقية تعانى من العديد من المشاكل فى ملف الطاقة، متابعا: "نصف سكان القارة بدون طاقة.. 400 ألف يموتون بسبب استخدام الخشب ونتيجة مواد أولية جدا جدا فى الإشعال.. تفتكروا دول زى كده تستطيع أن تتعامل مع مطالب الطاقة الجديدة والمتجددة".
وأضاف الرئيس السيسى، خلال افتتاح معرض ومؤتمر مصر الدولى للبترول 2022 قائلا: فى مصر.. نفذنا مشروعات فى البنية الأساسية على مدار 7 سنوات تكلفتها 400 مليار دولار.. ومشروع حياة كريمة يكلفنا 40 مليار دولار.. عشان نقدر نقول إننا بنضع نفسنا فى مجال مناسب.. عاوز تقارن زى مصر.. عشان أقدر أكون محطة ومركز للطاقة.. طاقة الكهرباء على سبيل المثال.. لابد أن تكون شبكة الكهرباء والتحكم والنقل والإنتاج.. قادرة على استيعاب النقل إلى دول مثل ليبيا والسودان وإسرائيل والأردن السعودية.. طب ده موجود فى كل قارات القارة الأفريقية؟".
وتابع الرئيس السيسي: "كلنا شوفنا لما الاستثمار قل خلال جائحة كورونا تحسبا أن الجائحة دى نهاية الدنيا.. قلت الاستثمارات وقل الإنتاج بصفة عامة فى العالم.. ولما قل الإنتاج ومع عودة الحياة مرة تانية ويمكن تزيد يبقى احنا بتكلم على استثمارات أكثر".
قال الرئيس عبد الفتاح السيسى، إن مؤتمر المناخ القادم فى مصر يحتاج إلى صدور قرارات موضوعية ومتوازنة وعادلة، متابعا: "حتى لا يدفع شعوب القارة الأفريقية الثمن مرتين للظروف اللى مروا فيها. وانا بتكلم عن تجربة مصرية خالصة.. خلال 7 سنوات علشان نوصل حالة الرضا للمواطن فى مصر.. صرفنا 400 مليار دولار.
أكد الرئيس عبد الفتاح السيسى، أن الدولة المصرية نفذت برنامجا للإصلاح الاقتصادى، متابعا: "نفذنا مشروع حقيقى للاقتصاد المصري.. وفى أى وقت من الأوقات كنا بنعمل اصلاح اقتصادى المواطن مكنشى عنده استعداد يتجاوب معانا.. لكن لما وجد النتائج والاثار الخاصة بالنية التحتية تحمل اثار اقتصادية صعبة.. شاف الواقع نتائجه ايه".
وأضاف الرئيس السيسى، خلال كلمته فى افتتاح معرض ومؤتمر مصر الدولى للبترول: "نرجع بقى للأشقاء مع أفريقيا.. ارجو من شركات البترول والغاز الموجود معانا.. توصل صوتنا من دلوقتى لأسباب إنسانية واخلاقية واقتصادية.. أكثر من 50 دولة أفريقية.. تفتكروا أنها جاهزة لتنفيذ متطلبات الطاقة الجديدة والمتجددة خلال 20- 30 سنة قادمة.. ارجو تتابعوا حالة عدم الاستقرار الموجود فى القارة.. وتنامى الإرهاب والتطرف ناجم عن قدرات محدودة.
أكد الرئيس عبد الفتاح السيسى، أن القارة الأفريقية تحتاج مزيدا من الوقت لتحقيق الأهداف المرجوة فى مجال الطاقة، متابعا: "أفريقيا تحتاج إلى فترة انتقالية أكبر للقارة الأفريقية لأسباب أخلاقية وإنسانية واقتصادية.. حد يقولى أسباب اقتصادية.. حد يقولى أنت تقولى دعم أفريقيا.. ده سوق أفريقى خلال مليار ونصف.. من أكبر القارات اللى فيها نسبة سكان بعد أسيا.. يتحول على سوق غنى يقدر يشترى منتجات العالم الصناعي".
وأضاف الرئيس السيسى، خلال كلمته فى افتتاح معرض ومؤتمر مصر الدولي: "قدرات أفريقيا متواضعة كدول.. هو البترول والغاز يساوى ايه.. المال.. انت بتحرمنى من المال.. بعد ما خدت الكلام ده على مدار 50-60-70 سنة اللى فاتوا.. وانت بقت غنى وانا زى ما أنا.. الدول الأفريقية زى ما هي.. زى ما أنا فقير.. لما بقى عندى فرصة تقولى مش تطلع.. طب لا.. عاوزين تقولوا أن الأمر ده كده.. الغنى يطلع يدى الفقير".
وتابع الرئيس السيسي: "قولت الكلام ده فى مصر.. لما جت الجائحة العالم تصور انها نهاية الدنيا.. احنا عارفين أنها مش نهاية الدنيا ومش هتنهى بالطريقة دي.. قدرات الإنسان العلمية.. هذا العقل الجبار اللى ربنا وهبه للإنسان دون المخلوقات لها قادر على التغلب.. ومصر من الدول القليلة فى العالم اللى حققت نمو إيجابى فى الظروف دى.. لم نتوقف.. خدنا إجراءات احترازية وفق معايير منظمة الصحة العالمية.. ولم نتوقف لحظة عن العمل.. قبل الجائحة زى بعد الجائحة بالنسبة لنا.. وانا بقولكم البشر قادر على تجاوز تغير المناخ.. وبقول للشباب الصغير والأجيال القامة.. لا تنزعجوا من هذه التحديات.. الإنسان هيفضل يطور ويكبر ويخلى الكرة الأرضية معجزة كبيرة جدا".
وقال الرئيس السيسي: "الشركات اللى موجودة معانا تكون صوتنا من دلوقتي.. حتى شهر نوفمبر المقبل وانعقاد قمة المناخ فى مصر.. ومراعاة أن القارة الأفريقية محتاجة تعمل بنية أساسية من ثرواتنا.. فترة انتقالية أكبر.. للانتقال من الحالة الموجود دى.. للحالة اللى يخص القارة بشكل أكبر.. بشكركم وسعيد باللقاء".
وفى نهاية كلمته، وجه الرئيس عبد الفتاح السيسى، رسالة لمذيع محطة "سى أن ان"، والذى شارك فى إدارة جلسة وزارية حوارية، ضمن فعاليات افتتاح معرض ومؤتمر مصر الدولى للبترول، قائلا: "بنرحب بيك.. وبنقولك عندك فرصة أنك تنزل وتلف مصر.. وتتكلم مع الناس وتشوف الموقف فى مصر ايه".
تم أضافة تعليقك سوف يظهر بعد المراجعة