علقت الفنانة فاطمة عيد على واقعة القبض القبض على الصيدلى أحمد أبو النصر، الشهير بطبيب الكركومين، لاتهامه بحيازة أعشاب وأدوية مجهولة المصدر بالشيخ زايد والذى شاركته فى الإعلانات التجارية الخاصة بالمنتج، قائلة: "الإعلان ده مش معمول إمبارح إتعمل من خمس سنوات وتم إذاعته كتير خمسين مرة ".
وأضافت فى مداخلة هاتفية خلال برنامج " كلمة أخيرة " الذى تقدمه الاعلامية لميس الحديدى على شاشة " ONقائلة : " الناس لما قالت ليه تشاركى فيه ؟ قلتلهم خلاص إوقفوه بطريقتكم وأنا ماخدتش فيه إسود ولا أبيض أصلاً كنت رايحة عشان جوزى عنده خشونة فى رجليه للعلاج عند الدكتور أحمد أبو النصر ".
وتابعت: " لما رحنا طلبوا منى أعمل إعلان للمنتج وعملته بلا مقابل من خمس سنوات وعالجه بالفعل من خشونة الركب وإتعالج عليه ده عبارة عن كركم موجود فى كل بيت".
والتقط أطراف الحديث زوج الفنانة فاطمة عيد "شفيق" قائلاً: "إعلان فاطمة من خمس سنوات وكنا رايحين عشان أعالج خشونة الركبة"، متابعا: فى مداخلة هاتفية خلال برنامج "كلمة أخيرة" الذى تقدمه الاعلامية لميس الحديدى على شاشة " ON قائلاً: "كان عندى خشونة جامدة والادوية التقليدية كانت صعبة على المعدة ولما عرفت العلاج بالكركومين من خلال الاعلانات على التفلزيون، وفرحنا نجرب ونفع معايا ".
وتابع: إدانى مسحوق أحطه على الزبادى نصف معلقة على علبة الزبادى والحاجة لما أن خفيت طلبوا من الحاجة فاطمة إعلان قالت هعمله كادوه، وبقية الأعشاب اللى بيستخدمها مانعرفش عنها حاجة خالص تعاملنا كان فى الكركومين بس".
تم أضافة تعليقك سوف يظهر بعد المراجعة