الرئيس السيسى خلال افتتاح مشروعات بمحافظة الجيزة: اللى اتعمل فى مصر غير مسبوق.. موضوع الإسكان اتحل خلاص.. وأى طلب على الشقق هنلبيه.. والدولة تتعامل بمبدأ تعويض المواطنين خلال الإزالات للنفع العام

الرئيس السيسى: تطوير الطرق والمحاور فى محافظة الجيزة لا يقل عن شرق القاهرة 

الرئيس السيسى: وزارة النقل أنشأت مشروعات بقيمة 1.6 تريليون جنيه

الرئيس السيسى: المدن الجديدة تهدف إلى حل مشاكل التخطيط العمرانى

الرئيس السيسى: العاصمة الإدارية بها تخطيط سليم ومش محتاجة مترو أنفاق

الرئيس السيسي: ترعة المريوطية كان بيترمى فيها حاجات لا تليق بالإنسان ولا بمصر

الرئيس السيسي: "مصر موجودة على شريط ضيق.. وبنحلم بالأتوبيس النيلى"

الرئيس السيسى عن اشتراطات البناء الجديدة: مش ضد الناس ومش هنزايد على بلدنا.. "لا نهدف إيذاء المواطن ولازم البرلمان يساعد"

الرئيس السيسي يداعب المقاولون العرب: "دى شركة عملاقة"

الرئيس السيسى: "لازم نغير ثقافة اشمعنا أنا.. مفيش دول بتعمل كده"

الرئيس السيسي: "هنوفر وحدات سكنية لكل اللى قدموا فى جنة ودار مصر وسكن مصر"

الرئيس السيسي عن الإزالات: "مبنجيش على حد.. إحنا بنعوض وبسعر مناسب جدا"

شهد الرئيس عبدالفتاح السيسي اليوم الأربعاء، افتتاح عدد من المشروعات التنموية بنطاق محافظة الجيزة، واستعرض الدكتور أشرف صبحي وزير الشباب والرياضة واللواء أركان حرب إيهاب الفار رئيس الهيئة الهندسية للقوات المسلحة والدكتور عاصم الجزار وزير الإسكان، حجم الجهود المبذولة كلا في تخصصه.

كما شاهد الرئيس السيسي فيلما تسجيليا بعنوان: "ملحمة بناء"، والذى استعرض المشروعات القومية الجديدة التى تنفذها الدولة المصرية فى مختلف المجالات فى إطار خطة التنمية الشاملة للدولة المصري.

واستعرض الفيلم التسجيلي التطوير الشامل فى منطقة القاهرة الكبرى بالكامل، مثل إنشاء طرق جديدة بجانب تطوير الطرق والمحاور، مثل الطريق الدائرى الأوسطى وغيرها فى إطار تخفيف الضغط المرورى على الطريق الدائري، ضمن رصيد جديد يعزز شبكة الطرق المصرية.

وتطرق الفيلم التسجيلي إلى مشروعات الإسكان الجديدة التى تنفذها الدولة المصرية، مثل التجمعات العمرانية الجديدة، ومشروعات جنة وسكن مصر وغيرها، وبناء عمارات جديدة فى مدينة أكتوبر الجديدة ضمن مشروعات الاسكان الاجتماعي، وكذلك مدينة حدائق أكتوبر وغيرها من مشروعات الإسكان المختلفة.

وشهد الرئيس عبد الفتاح السيسى، افتتاح مشروعات قومية جديدة فى مجال الطرق حيث شهد الرئيس السيسى، عبر الفيديو كونفرانس، افتتاح الطريق الدائري الاوسطي - طريق ترسا - تطوير طريق الجيزة / الفيوم - تطوير محور المريوطية - محور المنصورية.

وتحدث الرئيس عبد الفتاح السيسي، عن تطوير الطرق والمحاور في محافظة الجيزة: "لما قولنا فى غرب القاهرة الكبرى أو غرب محافظة الجيزة، أردنا تحرير الحركة بشكل لا يقل عن شرق القاهرة، وبالتالي القاهرة سواء شرقها أو غربها أو غرب النيل وفق التوصيف من نهر النيل.. وأمامنا تحدي إنك مثلا فى منطقة كرادسة.. بتتكلم في عدد سكان كبير أوى.. طب احنا حلينا المسألة على محور رئيسي سواء عرضى أو طولي حول هذه المنطقة".

وأضاف الرئيس السيسي، خلال كلمته في افتتاح مشروعات قومية جديدة،: "نعمل محور رئيسي أو محورين.. طولى وعرضي.. ياخد الحي ده ويكون فيه حركة.. عارف ان حكم المساكن اللى موجود في المنطقة دي.. زى كرادسة وناهيا وبولاق.. طرق بسيطة.. حارة وحارة أو حارتين وحارتين.. احنا حلينا الموضوع حول الجيزة.. عاوز اخلى المواطن اللى في بولاق وكرادسة يتحرك بشكل كويس".

وأكد الرئيس عبد الفتاح السيسي، أن الدولة وضعت مبدأ عام بتعويض المواطنين حين يتم الإزالات من أجل الصالح العام، متابعا: "اللى بنعمله ده من بناء طرق وكباري الهدف أن المواطن يتحرك كويس.. مش معقول الفارق بين البيت والبيت 5 أو 10 أو حتى 20 متر.. الموضوع ده محتاج دراسة مع محافظة الجيزة.. نشوف المحاور الموجودة بالفعل جوه الأحياء وهل يمكن التوسعة ولا".

وأضاف الرئيس السيسي:علشان نعمل نضطر إلى بعض الإزالات.. وبقول الكلام ده مبدأ عام الدولة حاطته على نفسها.. اى ازالات للنفع العام.. الدولة تعوض الناس.. الخطة الطموحة هتخلص السنة دي كله.. هل ممكن نكون نبقى طموحين ونخلصه السنة دى.. احنا في شهر 3". 

وقال الرئيس عبدالفتاح السيسي، إن وزارة النقل قامت بعمل مشروعات بقيمة1.6 تريليون جنيه، فضلا عن الطرق التي تقوم بإنشاءها وزارة الإسكان والقوات المسلحة.

وأضاف الرئيس السيسي:"الصورة اللى بنقدمها للناس مش الهدف منها تسجيل جهدنا، إحنا بنحاول نحل مسائل ونخفف على الناس حركتها اليومية والاقتصاد، وأتصور إن ده ليه تأثير كبير جدا على نسب التلوث، لأن إحنا محتاجين وإحنا في المؤتمر "كوب 27" نعرض خطتنا الاستراتيجية لتخفيف حجم التلوث في مصر من خلال المشروعات المختلفة سواء الكهرباء والسكة الحديد لتقيل نسب التلوث".

وقال الرئيس عبدالفتاح السيسي، إن حرصنا على الأرض الزراعية نابع من أنها أرض شديدة الخصوبة قياسا بالأراضى المستصلحة، وتروى بـ"راحة"، لافتا إلى قدرة الدولة على تلبية جميع مطالب الإسكان قائلا: " احنا قادرين كدولة نلبي مطالبكم.. انتوا كمان متضيعوش فلوسكوا في حاجات!!".. شغالين في برنامج فيه 500 ألف وحدة غير الإسكان كله.. عواصم المحافظات 500 ألف وحدة هيتعملوا بالنمط اللى هتشفوه دلوقتي .. بنعمل كده علشان مش عاوز أشوه الطفل اللى طالع وفكره وذوقه بأنه يطلع في بيت مش زى ما احنا بنعمل".

وتساءل الرئيس: ليه الناس بتبني كده؟! .. فى مدينة الامل ببص على البيوت ألاقى البيوت كتير وعالية وثلاثة أرباعها فاضى.. اللى عمل كده بيضيع فلوسه ليه؟!.. بقالنا 7 سنين بنوفر إسكان اجتماعى، حتى لو اتطلبت مليون وحدة هنعملها.. موضوع الإسكان فكرة اترسخت في نفوسنا أن مفيش حل لها .. لا دى اتحلت خلاص.. مش هنخلى طلب على الشقق في اى محافظة الا لما نلبيه .. وفروا فلوسكم.. متعملش عمارة 7 أدوار.. شايف واحد عامل عمارة 6 أدوار وعامل سلم 12 دور".

وتحدث الرئيس عبد الفتاح السيسي، عن خطة الدولة المصرية لإنشاء المدن الجديدة، قائلا: "لما جينا نعمل المدن الجديدة.. لقينا نقاش كتير.. الناس بتقول هتعملوا مدن جديدة بفلوس كتير جدا وملهاش لازمة.. طب لو الكلام ده اتعمل من 40 سنة.. وكان الدولة لديها تخطيط عمراني عمل في حساباته النمو السكانى المتزايد.. احنا بنحل ده.. حتى في الطرق".

وأضاف الرئيس السيسي:"لما بنتكلم عن الأحياء زى كرادسة وأبو النمرس والخصوص.. دول فيهم 7 أو 8 ملايين مواطن عايشين ازاي.. لازم نكون مرتبين نفسنا.. الـ 50 ألف وحدة سكنية اللى بنتكلم عنهم النهاردة.. طب قبل كده هل الدولة فكرت أو شاركت أو ساهمت في ملف الإسكان.. اللى احنا بنعمله دلوقتي علشان نحمل مسألة.. لو انت بتعمل خط مترو انفاق في الجيزة.. مفيش فوق الأرض تتحرك أكثر من كده.. وعلشان كده بنعمل مترو الانفاق".

وقال الرئيس عبدالفتاح السيسي، إن مصر تشهد معدلات عمل غير مسبوقة، معلقا: " لو الدائرى الإقليمي والاوسطي متعملوش؟!..معدلات العمل اللى اتعمل فيهم غير مسبوقة.. واللى اتعمل في مصر عمل كبير، ده مش معناه ان نتوقف، ولكن ده عملنا ولسه بدرى".

وأضاف الرئيس السيسي:، فيه أراضى كتير قوى للقوات المسلحة تم نزع ملكيتها ومعوضنهومش بحاجة.. أسهل طريق كان لما يكون فيه وحدة عسكرية أقول خدوه.. طريق السويس من اول كوبرى المشير أبو غزالة لغاية الكوبرى الدائرى المسافة دى كلها سواء أراضى قوات مسلحة أو الهيئة العربية للتصنيع من غير كلام تساوي 5 مليارات جنيه لم يتم دفعها.. بجانب محاور تم أخذها من وحدات عسكرية".

وتحدث الرئيس عبد الفتاح السيسي، عن التخطيط الخاص بالعاصمة الإدارية الجديدة، قائلا: "العاصمة الجديدة مش محتاجة مترو الانفاق.. ودى الرسالة اللى بنقولها للناس.. لما الدولة تعمل حاجة بتاخد بأساليب العلم والتخطيط السلمية في أي منشأة.. والتنفيذ يتلاءم مع متطلبات الحياة.. لو فيه مدرسة تتعمل مدرسة.. لو فيه مستشفى بتتعمل مسشفي.. لو مناطق صناعية أو حرفية.. بنعملها".

وأكد الرئيس عبد الفتاح السيسي، أن هناك ثقافة يجب تغييرها فى التعامل مع البناء، متابعا: "المواطن من غير ما يقصد.. يلاقى حتة أرض جنب بيته يبنى خلاص".

وأضاف الرئيس السيسي:"بقولها لكل المصريين.. وأرجو أنكم تسجلوها كويس وتفكروها فيها كويس.. اللى معاه قرشين.. يروح يبنى أي حاجة.. انا بشوف حجم العمارات وحجم الاشغال اللى فيها.. لو معاك قرشين تعالي في العمارة بتاعتك 5-6 أدوار وأنت مش هتسكن فيها.. لو انت معاك فلوس وحطيتها في البنك ده هيوفر لك عائد مناسب.. انت تبني على أرض زراعية.. أو أرض مش بتاعتك.. اللى تبني  عليه مش هيجيب حاجة.. دى ثقافة عندنا.. حتى الريف.. يبنى دور ولا دورين.. ومش محتاجه دلوقتي ويحتاجه كمان 15 سنة من اجل أولاده.. لازم نتجاوز النقطة دي.. مواطنين وشعب.. حجم كبير من المساكن اللى بشوفها على الدائري مش مسكونة.. مفيش شباك راكب".

وتابع الرئيس السيسي: "حجم التحدي، أكبر من اللى بنفكر فيه، الزملاء اللى بيناقشوا.. لما بنعمل حاجة زي الدائرى الاوسطي شوف بتخدم كام محافظة.. القاهرة الكبرى والمحافظات القريبة منها".

وأكد الرئيس عبدالفتاح السيسي، أن الهدف من إنشاء المحاور الدائرية حول القاهرة، هو التخفيف على "حياة الناس والتجارة"، مضيفا: "بفكر نفسى والفريق كامل .. ساعة لما توليت المسؤولية كان الطريق الدائرى بكفاءة منخفضة، وكثير من الناس بتقول ليه الاهتمام بالطرق الكتيرة والتكاليف الكتيرة؟".

وأضاف الرئيس السيسي: "كان نفسى تجيب محور المريوطية قبل، والترعة عامله إزاى؟ ولما جينا نعمله بقا إزاى؟.. كان فيه مخلفات بتترمى في الترعة وحيوانات نافقة وحاجة لا تليق بالإنسان ولا بمصر".

وأكد الرئيس عبد الفتاح السيسي، أن الدولة المصرية موجودة على شريط ضيق.. ومش موجود في دول كتير"، متابعا: "حجم الحركة عالى أوي.. محدش حلم يجيب كام اتوبيس نيلي جميل محترم ضمن خطط الدولة لتطوير حركة المرور في جميع أرجاء الدولة".

وقال الرئيس عبدالفتاح السيسي، رئيس الجمهورية، تعليقا على المواضيع المثارة حول اشتراطات البناء الجديدة: "لو عاوز أفضى علشان أعمل محورين علشان يبقا متنفس للناس.. تراخيص البناء فيها نقاش كتير وبسمع وبشوف تعليقات الناس .. مش هنزايد على بلدنا ..لا لا .. وإذا كان الأمر نشرح للناس أكثر".

وأضاف الرئيس السيسي: "الكتل دى حول القاهرة .. طيب يا جماعة يبقا فيه صيغة لحل المسألة .. الاشتراطات مش ضد الناس.. في إسكندرية أبراج 17 دور في شارع 6 متر.. بنعمل في برج العرب والعامرية مدن علشان توفر سكن للمحافظة مش هقفل عليك.. مش هنسيب الناس كده".

وتابع الرئيس: "النقطة دى عليها نقاش كبير.. حتى على مستويات مختلفة.. اتصور البرلمان لازم يساعدنا في اللى احنا بنعمله.. الهدف مش إيذاء المواطن.. الوطن بتاعتنا كلنا.. اشتراطات البناء".

وأضاف الرئيس السيسي: "حد يقولى لو أنا مكانك مش أخلي في محافظة القاهرة تتبنى تاني.. كسكن.. لازم مخطط مضبوط".

وتابع الرئيس السيسي: ليه احنا كدولة عملنا الاشتراطات دي.. وليه واخدين اشتراطات قاسية علي المواطنين"، مستعرضا صورة كاملة للكتلة العمرانية الصماء والمكدسة بالسكان والأنشطة والحركة.

وأضاف الرئيس السيسي: "لما نشوف الصورة دى.. لو واحد عنده حتة أرض فاضية ينفع يبنى فيها.. انا اخليه ينفع.. طب لو قولتله ابنى دورين.. يقولى اشمعنى انا ما اللى جنبي عنده 15 دور.. اشمعنا انا.. عمرنا ما هنغير.. مفيش دول بتعمل كده".

وداعب الرئيس عبد الفتاح السيسي، شركة المقاولون العرب، قائلا: "دى شركة عملاقة"، وذلك خلال حديث اللواء أركان حرب إيهاب الفار رئيس الهيئة الهندسية للقوات المسلحة حول المشروعات التي تنفذها المقاولون العرب.

وتحدث الرئيس عبد الفتاح السيسي، عن رأي الفريق كامل الوزير، وزير النقل، ليؤكد أنها شركة كبيرة تملك تكنولوجيا متفردة في إنشاء الكباري، وتنفذ كوبري في الكويت هو الثالث عالميا بعد أمريكا وإيطاليا.. وتنفذ مشروعات كبرى داخل مصر مثل كوبرى تحيا مصر".

وعلق الرئيس عبد الفتاح السيسي، على كلمة الدكتور عاصم الجزار وزير الإسكان حول أعداد المتقدمين فى الإعلان الأخير الخاص بوحدات جنة ودار مصر وسكن مصر، قائلا: "هنوفر وحدات سكنية لكل من تقدم لهذه الوحدات".

وأكد الرئيس عبدالفتاح السيسي، أن هدف الدولة تحسين حياة مواطنيها، معلقا: "مهم قوى واحنا بنورى الناس ليه بنعمل كده، أدى منطقة المدابغ اللى انتوا مش متصورين كنا هنعمل فيها ايه .. كتير من الأحيان واحنا بنعمل كده ده فيه مستثمر مش عارف هياخد المنطقة وهيعمل بيها حاجة..لا طبعا، المستثمرين بيروحوا في المناطق اللى مفيش فيها مشكلة .. عاوز التجمع .. العلمين.. العاصمة.. الجلالة، أماكن مش هتبقا حاجة جميلة في وسط حاجة متواضعة وهدفنا كدولة تحسين حياة مواطنينا".

وشدد الرئيس السيسي خلال افتتاح مشروعات تنموية في الجيزة، على مسألة تعويض المواطنين بعد إزالة منازلهم بهدف إنشاء طريق أو تحسين جودة حياة المنطقة قائلا: "المواطن يعرف احنا عملنا كده ليه؟.. بس مبنجيش عليك احنا بنعوضك .. وبسعر مناسب جدا.. ومش احنا اللى بنحدده دي هيئة تقيم المكان يساوي كام بالمتر والغرفة.. حتى لو بنفتح طريق او بنزيل علشان نغير شكل الحياة الموجودة وتحسين الحياة".