الرئيس السيسى لـ"السيدة محروسة": أنت نموذج جميل لكل ست مصرية.. وكل شىء هنعمله حاضر

قال الرئيس عبد الفتاح السيسي للسيدة محروسة، "أنا تحت أمرك ربنا يخليلك أولادك وابنك يبقى ضابط قد الدنيا بإذن الله، وبنتك تبقى مهندسة".

وأضاف الرئيس السيسى، خلال برنامج من مصر، المذاع على قناة سى بى سى، موجها حديثه للسيدة محروسة، قائلا "أوعى تحرمينا من دعواتك الطيبة ربنا يقبل منك وبباركلك، وأنا سعيد وبهنيكى، وبقولك أنت نموذج جميل لكل ست مصرية، وكل شئ إن شاء الله هنعمله حاضر".

وعرض برنامج من مصر تقريرا عن الست محروسة تحت عنوان "الحياة للمكفوفين .. محروسة تتحدى الإعاقة وتعول أبنائها وزوجها المريض بقيادة التروسيكل.

وقالت خلال مداخلة بتقنية الفيديو مع الإعلامى عمرو خليل الحمد لله انا راضية باللى ربنا قسمهولى ، انا عندى لد أكبر منى بـ17 سنة اللى هو زوجى مشاكله الصحية صعبة شوية ، وبضحك على أي أم مش متحملة شقاوة ابنها وبقولها تعالى شوف الأبن الكبير ده عنده زهايمر وضغط وسكر وجلطة في المخ وشيخوخة مبكرة.

وتابع: قعدنا 3 سنين هو اللى بيصرف على البيت وأخدنى وانا معاقة وبدأت الإصابات تأتيه تباعا مما جعلنى أضطر للنزول إلى العمل، ومهما كان التعب كفاية انى بقدر أؤدى رسالتى ، شغلى متعب وفيه إرهاق لكن ببقى سعيدة انى أخلى اولادى ما يطلبوش حاجة من حد بعلمهم عزة النفس وعلاج زوجى مكلف جدا.