وجه الرئيس عبد الفتاح السيسى، رسالة للسيدة محروسة قائلا: أنا يشرفنى أنى أنا أكلمك، خلينى أقولك ربنا يخليكى ويوفقك.
وأضاف الرئيس السيسى، خلال مداخلة برنامج من مصر، من تقديم الإعلامى عمرو خليل، المذاع على قناة سى بى سى، موجها حديثه للسيدة محروسة: اسمحيلى أن أنا اقف جنبك وأقولك والله الست المصرية دايما مثل عالى وراقى وأنا بتشرف إنى بكلمك دلوقتى والله.
وقال الرئيس عبد الفتاح السيسى للسيدة محروسة: إنتِ تطلبى وتؤمرى واحنا ننفذ، وأنا مش هزايد أكثر من كده عليها هى تحدت تحديات كبيرة فى حياتها وولادها اللى بتتعلم وزوجها المريض وتحدت ظروفها الصعبة.
وأضاف الرئيس السيسى، خلال برنامج من مصر، المذاع على قناة سى بى سى: ربنا سبحانه وتعالى وفق الست محروسة وخلاها تبقى راضية والرضا ده أنا سامع وهى بتقول إنها بتاكل أكل بسيط بس زى الشهد واللى بيعمل ده صاحب الوجود اللى بيخلى الناس متنعمة بالقليل أو متعذبة بالكثير والرسالة واصلة لكل الناس ومش محتاج أقول حاجة لحد شوفوا واتفرجوا.
ووجه الرئيس السيسى حديثه لسيدة محروسة: ربنا يحميكى ويعينك ويراضيكى ويعوض عليكى ودعواتك الطيبة لينا من فضلك.
وقال الرئيس عبد الفتاح السيسى للسيدة محروسة، "أنا تحت أمرك ربنا يخليلك أولادك وابنك يبقى ضابط قد الدنيا بإذن الله، وبنتك تبقى مهندسة".
وأضاف الرئيس السيسى، خلال برنامج من مصر، المذاع على قناة سى بى سى، موجها حديثه للسيدة محروسة، قائلا "أوعى تحرمينا من دعواتك الطيبة ربنا يقبل منك وبباركلك، وأنا سعيد وبهنيكى، وبقولك أنت نموذج جميل لكل ست مصرية، وكل شئ أن شاء الله هنعمله حاضر".
و قال الرئيس عبد الفتاح السيسى للسيدة محروسة: عاوزينك تنامى وترتاحى وربنا يعوض عليكى، ورضاكم هو الأمل وإنى أكون سبب فى إرضاء الناس وإسعاد الناس، وهى دى أمنيتى وهو ده الحلم وهو ليس على الله بكثير يارب يعيننا على ذلك.
وأضاف الرئيس السيسى خلال برنامج من مصر، المذاع على قناة سى بى سى: تحدت ظروفها الصعبة وتحدث تحديات كبيرة فى حياتها وزوجها المريض.
وعرض برنامج من مصر تقريرا عن الست محروسة تحت عنوان "الحياة للمكفوفين.. محروسة تتحدى الإعاقة وتعول أبناءها وزوجها المريض بقيادة التروسيكل.
وقالت خلال مداخلة بتقنية الفيديو مع الإعلامى عمرو خليل الحمد لله انا راضية باللى ربنا قسمهولى، أنا عندى ولد أكبر منى بـ17 سنة اللى هو زوجى مشاكله الصحية صعبة شوية، وبضحك على أى أم مش متحملة شقاوة ابنها وبقولها تعالى شوف الابن الكبير ده عنده زهايمر وضغط وسكر وجلطة فى المخ وشيخوخة مبكرة.
