أكد الشيخ خالد الجندى، عضو المجلس الأعلى للشئون الإسلامية، أن المثل القائل: "اصرف ما فى الجيب يأتيك ما فى الغيب" يعد مثلا حقير، معقبا: "ياما ناس صرفت ما فى الجيب وسفت ترات وكحت تراب وناس شحتت".
وتابع الجندى، خلال حلقة برنامج "لعلهم يفقهون"، المذاع على فضائية "dmc"، اليوم الخميس: "ربنا قد يكون قام الرزق بمقدار ومعلوم وممكن حضرتك تستهلكها فى عامين ولا نسيتوا مياه النيل استهلكناها فى رش العربيات والشوارع ورميناها وعملنا بيها ملاعب جولف وهدرناها وبنينا على النيل ورمينا فيه المخلفات الصناعية والبهائم الميتة دوقوا بقا المشكلة اللى احنا فيها، عشان تبقوا عارفين الإسراف بيؤدى إلى الإتلاف".
واستكمل: "الإسراف يؤدى إلى التقليل، ومن الممكن ربنا مش بيحبه يبقى مش بيرزقه، والإسراف واستهلاك الموارد ورمضان جاى استهلاكنا كبير ياجماعة بنستهلك وجبتين كومبو".
وقال الشيخ رمضان عبد المعز داعية إسلامى، :"مثل باطل وعكس ما قاله القرآن الكريم ونهى عن ذلك، والمسرف مأله إلى اللوم والحسرة بنص القرآن".
