تعرض خالد قمر مهاجم فريق الجونة لوعكة صحية مفاجئة دخل على إثرها إلى المستشفى، ونشر خالد قمر صورة عبر حسابه الشخصى على إنستجرام من داخل المستشفى طالباً من متابعيه الدعاء له.
خالد قمر
وأكد خالد قمر مهاجم الجونة أنه سعيد جدا فى اللعب بنادى الجونة تحت قيادة رضا شحاتة على عكس الموسم الماضى فى الاتحاد، وأنه يسعى للعودة مجددا لمنتخب مصر عبر بوابة الجونة.
وقال خالد قمر في مداخلة مع الإعلامى سيف زاهر في برنامج "ملعب أون تايم" المذاع على قناة أون تايم سبورتس: "الحمد لله بحاول أعمل كل اللى أقدر عليه علشان أقدر أساعد الفريق وكابتن رضا أعطانى حرية كبيرة في الملعب وده انعكس كتير على أدائى، والجونة بالنسبة لى أفضل كتير من الاتحاد".
وأضاف خالد قمر: "في الاتحاد بتكون مضغوط جدا لو حصل أي هزيمة على عكس الجونة اللى بيدعموك ومفيش جمهور يضغط عليك فبتلعب براحتك، والموسم ده مركز جدا علشان أعوض الموسم الماضى اللى ملعبتش خالص مع حسام حسن، ولازالت علاقتى بالاتحاد ومسئوليه قوية لأنى لعبت 5 سنوات في سيد البلد".
وأوضح مهاجم الجونة: "هدفى العودة لمنتخب مصر والأهداف توفيق من ربنا ونفسى أعمل حاجة للجونة وأنافس على هداف الدورى هذا الموسم".
