عالم سمسم من أكثر برامج الكرتون التى تعلقنا بها وكان يحبها الكبار والصغار وهو برنامج يهدف لتعليم الأطفال وترسيخ القيم والأفكار البناءة للأطفال وتقديم مواد تعليمية وتثقيفية.
"فلفل ونمنم وخوخة"، أبطال عالم سمسم وكل واحد منهم له شخصيته الخاصة والمختلفة عن غيره، فكان نمنم هو الشخصية المحببة والغريبة عند الأطفال نظرا لحجمه الكبير كان طوله مترين ووزنه 25 كيلوا ولكن كان عمره 4 سنوات كما ذكر فى برنامج عالم سمسم.
قام الفنان وليد بدر بأداء شخصية نمنم والذى أتقن الدور فيها، وعن كواليس البرنامج الكرتونى عالم سمسم قال، "نمنم كان حجمه كبير جدا وكان التصوير صعب لإنى بكون جوا العروسة ومعايا مونيتور وسكربت بقرأ منه وطبعا ده كان صعب لأن حجم العروسة كبير جدا بس مع الوقت اتعودت على كده وكنت بتعامل بسلاسة".
وأضاف "شخصية نمنم كانت شخصية جميلة ومبهجة وبيصدق أى حاجة وكان كل الأطفال بتحبه رغم إن حجمه كبير جدا، لكن كانت ردود الأفعال حلوة جدا والأطفال فعلا بيتعلموا من عالم سمسم لأنه كان بيقدم قيم ومبادئ إلى جانب التعليم والترفيه".
وتابع" عالم سمسم كان عالم فعلا كلنا عايشين فيه كلنا عيلة مع بعض وكلنا عندنا نفس الهدف، كنا بنفرح جدا لما بنلاقى الأطفال متعلقة بعالم سمسم وبتحبه وبتسأل دايما على نمنم وخوخة وفلفل وعاوزين يتصورو معاه، وياريت لو نعمل مواسم جديدة من عالم سمسم".
تم أضافة تعليقك سوف يظهر بعد المراجعة