علقت الفنانة هالة صدقى بعد تألقها فى مسلسل فاتن أمل حربي المذاع على قنوات المتحدة خلال شهر رمضان:" اللى شجعنى أدخل المسلسل موضوع مهم ويعانى بيه الكثير من الستات فى الواقع، ومهم أن القوانين بقالها مدة والمجتمع بيتغير، والكتيبة تحاول تحسين وضع الست وتقدر تاخد حقوقها".
وأضافت خلال مداخلة هاتفية مع الإعلامى يوسف الحسينى عبر برنامجه التاسعة المذاع على القناة الأولى المصرية: "بقالى سنتين بعتذر عن المسلسلات، وكنت بنتظر عمل مهم، والمواضيع المهمة التى تناقش قضية مهمة لم تكن متواجدة ولما وجدت المسلسل يناقش قضية شاركت فيه، والبطولة الحقيقة لنيللى كريم ولكن ليست بطلة المسلسل إلا دورى، ورسالة الفن الحقيقة اللى بتغير المجتمع الأحسن".
وتابعت: "مفيش حد بيكتب حاليا صدقنى، وهناك كتاب كبار متواجدين فى البيت وهما اللى بيشكلو مصر، وهناك شباب رائع وبيكتبوا على حسب رؤيتهم فى الحياة ومش بيقدروا يكتبوا حاجة لعمرنا مش هيقدر هتلاقيه ضعيف جدا، وهناك مواهب فى الكتابة ولكن قليل جدا واحنا مصر، وكذلك هناك تقصير فى الإنتاج".
