علقت الفنانة هيدى كرم على تألقها فى الاختيار 3 الذى يعرض على قناة on فى شهر رمضان: "مشاركة فى مسلسل عظيم وشرف عظيم وإضافة لأى حد".
وأضافت خلال مداخلة هاتفية مع الإعلامى يوسف الحسينى عبر برنامجه التاسعة المذاع على القناة الأولى المصرية: "عشت دور زوجة ضابط، وسردوا ليا تفاصيل شخصية وتشيل الهم لوحدها وتعمل فى صمت، وعشت الحالة والتفاصيل، وعرفت قد أيه زوجات الضباط عايشين حياة صعبة وقاسية ويعانوا معاناة نفسية وعصبية ومتحملة مسئولية البيت وخوفها على زوجها".
وتابعت: "زوجة الضابط فى هذه المرحلة كانت الزوجة متوترة بسبب غيابه لفترات طويلة وخصوصا فى مرحلة حرجة، وكان فيه توتر عام، وكنا خايفين ومتوترين، وتعلمت منه كتير فى الدور ده".
وأوضحت: "زوجة الضابط، كانوا بيقضوا وقت كبير مش قادرين يطمنوا عليهم ويشوفوا حاجات مرعبة فى التليفزيون وفى نفس الوقت لازم تاخد بالها من الاولاد، والموضوع رائع وغنى بتجربة إنسانية".
