قال مينا صلاح، شقيق المواطنة مارينا صلاح، إنّ شقيقته قضت 5 ساعات تقريبا في مستشفى العيون، حيث زارت المستشفى في الساعة الواحدة، وطلب منها الطبيب إشاعة، وطلب زوجها من مدير التمريض أن يدخل معها أثناء حصولها على الحقنة، كما رفضت طبيبة أخرى أيضا.
وأضاف في مداخلة هاتفية مع الإعلامية بسمة وهبة، مقدمة برنامج "90 دقيقة"،: "الدكتورة دينا قالت له مش هينفع تخش، ولما دخلت تاخد الحقنة، بعدها بـ10 دقائق لقى طبيب اسمه كامل رئيس التمريض بيجري، وبعدها وشها كان منفوخ وقالت له الحقني يا رامز أنا بموت ووقعت من طولها على الأرض، وجوزها قعد يجري في المستشفى".
وتابع باكيا على الهواء: "توفيت في وقتها وتوقفت عضلة القلب، أنا شفت أختي توأمي جثة، جسمها كان أبيض زي التلج وايديها نازلة من على الترول، أنا شفت أختي شبه ميتة، وطلعوا بيها على الرعاية، ورفضوا أخش معاها، ومحدش قالنا أي حاجة، كله كان عاوز يشيل إيده من الموضوع عشان كانت ميتة، ولما دخلت شفتها في الرعاية كانت ميتة، وكانوا بيقولوا لي شوف الجهاز، فقلت لهم دي ميتة".
وأنهى مينا، المداخلة على الهواء باكيا، قائلا: "أبوس ايديكم سيبوني، ماما أغمى عليها ولازم نوديها المستشفى حالا".
تم أضافة تعليقك سوف يظهر بعد المراجعة