سعيد الأرتيست: هانى شاكر شرف لينا يمثلنا ولازم يتحمل كل الموسيقيين

قال سعيد الأرتيست كبير عازفى الإيقاع، إنه اعتذر لحسن شاكوش، ولكن سكرتير النقابة قال كلمتين فى آخر دقيقتين تسبب فى مشكلة بالمؤتمر.

وأضاف كبير عازفى الإيقاع، خلال برنامج كلمة أخيرة، المذاع على قناة on: هانى شاكر شرف لينا يمثلنا، وأنا عايز أفهم مين اللى أدى حسن شاكوش الكارنية.

وتابع كبير عازفى الإيقاع: "النقيب لازم يتحمل كل الموسيقيين يعنى ينفع حد دخيل علينا يقول علينا كلام مش كويس؟، لتعلق لميس الحديدي: هانى شاكر قدم استقالته لأنه زهق من مشاكل الموسيقيين ده فنان، وصعب يكون المشهد فيها كدة".

وقال كبير عازفى الإيقاع: "الدنيا كانت ماشية فل وقبل انتهاء المؤتمر بدقيقتين دخل سكرتير عام النقابة قال كلمتين ولعت الدنيا وهو أحمد رمضان قال كلمتين هاجت الدنيا وأنا تكلمت وشكرت نقيب المهن الموسيقية والفنان هانى شاكر وحسن شاكوش اعتذر وقلتله إحنا إخوات، ومجرد أنى سألت وقلت مين أعطى الكارنيه لأننا كنا بره وقتها وفوجئنا بصور حسن ساكوش على التواصل الاجتماعى يحمل كارنيه النقابة لمجرد سؤال قال السكرتير بطريقة سخيفة جداً كل المجلس وقع على رجوعه ولو مش عاجبك تعالى ديرها أنت، وكل الناس إلى معايا غضبت وقالوا "أه يديرها" وفوجئت بالتطورات وأنا زعلان من استقالة الفنان هانى شاكر، وكيف حصل على الكارنيه قبل المؤتمر".