قال المطرب والمنشد وائل الفشنى خلال لقاء خاص مع الإعلامية إيمان أبو طالب ببرنامج بالخط العريض المذاع على قناة الحياة: "مش بقول أى كلمة أو أغنيها غير لما أحسها قوى وناس كثيرة بتقولى أمدح فى النبى لأنك لما تمدح بتحسها قوى".
وأضاف الفشنى: "اللى قاللى لازم تغنى على الحجار واللى خلانى أغنى فتحى سلامة، وبقيت فرد عنده في الفرقة، والذى أصر إنى أغنى على الحجار، كنت عامل كليب مع أحمد الفيشاوى والمخرج محمد سامى هو اللى عرفنى بأحمد الفيشاوى".
وتابع: "أحمد الفيشاوى بيعمل راب كويس جدا، وأنا كنت بغنى مواويل، ومحمد سامى أخرج هذا الكليب وبعدين واحد زميلى قاللى عاوزك تشتغل مع على الحجار وقولتله موافق وأول يوم شافنى فيه على الحجار قاللى أنت هتغنى النهاردة ، وقاللى أعمل فرقة دلوقتى ودى كانت أمانة من على الحجار لأنه أمين على الفن".
تم أضافة تعليقك سوف يظهر بعد المراجعة